आपल्या विविध विनोदी भूमिका आणि स्टॅण्डअप कॉमेडीमधून गाजलेली स्किट्स यामुळे प्रेक्षकप्रिय ठरलेली अभिनेत्री विशाखा सुभेदार ‘दगडाबाईची चाळ’ या चित्रपटातून प्रमुख भूमिकेत पाहायला मिळणार आहे. एका चाळीची मालकीण म्हणून ती दिसणार असून सुनील वायकर यांनी या चित्रपटाचे दिग्दर्शन केले आहे. राजपाल यादव, भूषण कडू, कमलाकर सातपुते, जॉनी रावत, माधवी जुवेकर, किशोर चौघुले आदी कलावंतांची फळी या चित्रपटात दिसणार आहे. हा चित्रपट २३ ऑक्टोबर रोजी प्रदर्शित होणार आहे.
