‘यंदा किल्ल्यांपेक्षा हॅलोविनचेच फोटो जास्त’; देवदत्त नागेने व्यक्त केली खंत

महाराष्ट्रातील विविध किल्ल्यांची प्रतिकृती उभारण्याच्या जुन्या परंपरेकडे सध्याच्या ‘स्मार्टफोन’ युगात महत्त्व कमी होताना दिसतंय. झी युवा वाहिनीवरील डॉक्टर डॉन मालिकेतील अभिनेता देवदत्त नागे याने त्याच्या घराच्या अंगणात साकारलेली महाराजांच्या किल्ल्याची मातीची प्रतिकृती सोशल मिडीयावरुन चाहत्यांसोबत शेअर केली आहे.

 

View this post on Instagram

 

A post shared by DEVDATTA G NAGE (@devdatta.g.nage)

डॉक्टर डॉन मालिकेतून देवा म्हणून अभिनेता देवदत्त नागे महाराष्ट्रातील तमाम प्रेक्षकांच्या मनावर राज्य करतोय. त्यांनी छत्रपती शिवाजी महाराजांना वंदन करत किल्ल्याच्या मातीच्या प्रतिकृतीचे फोटो शेअर केले. देवदत्त हा मूळचा अलिबागचा आहे. त्याने त्याच्या घराच्या अंगणात हा सुरेख किल्ला साकारला, सोबतच एक खंतसुध्दा व्यक्त केली. किल्ल्यांपेक्षा हॅलोविनचे फोटोज जास्त बघायला मिळत असल्याची खंत देवाने सोशल मीडियावर व्यक्त केली आहे.