छोट्या पडद्यावरील 'डॉक्टर डॉन' ही मालिका प्रेक्षकांच्या विशेष पसंतीला उतरत असल्याचे दिसत आहे. आता ही मालिका एका वेगळ्या वळणावर पोहोचली आहे. मालिकेमध्ये आता मोगराच्या रुपाने प्रेमाचा त्रिकोण बनताना दिसतोय. देवा, मोनिका आणि मोगरा या तिघांची भावनिक गुंतागुंत सध्या 'डॉक्टर डॉन' मालिकेमध्ये पहायला मिळतेय. पण हा तिढा लवकर सुटणार आहे. कारण देवा आणि मोगरा लवकरच लग्नाच्या बेडीत अडकतील. पण देवा खरंच मोगराशी लग्न करेल का? हे मात्र प्रेक्षकांसाठी जाणून घेणे उत्सुकतेचे ठरेल. देवाचा मित्र पांडे मोनिकाला जळवण्यासाठी आणि तिच्याकडून देवाबद्दलच्या प्रेमाची कबूली मिळवण्यासाठी मोगरासोबत प्रेमाचे नाटक करायला सांगतो. त्यानूसार मोगरा आणि देवा मोनिकासमोर प्रेमाचे नाटक सुरुही करतात. मोनिकाही त्यांच्या या नाटकाने अस्वस्थ होऊ लागलीये. आता पहायचे या नाटकाचा परिणाम त्यांना हवा तसाच होणार का यातही एक वेगळं ट्विस्ट मालिकेच्या प्रेक्षकांसाठी तयार असेल हे आता पहायचं.
