दमदार अभिनयशैलीमुळे कलाविश्वात हक्काचं स्थान निर्माण करणारा अभिनेता म्हणजे विकी कौशल. 'उरी: द सर्जिकल स्ट्राइक ','मसान','संजू' या चित्रपटांमध्ये दमदार अभिनय करुन विकीने प्रेक्षकांच्या मनात विशेष जागा मिळवली. आज या अभिनेत्याचा ३१ वा वाढदिवस. कलाविश्वात सहज वावर करणाऱ्या या अभिनेत्याच्या करिअरविषयी साऱ्यांनाच माहित आहे. परंतु या अभिनेत्याने नेमकं कोणतं शिक्षण घेतलं आहे हे फार कमी जणांना माहित आहे. १६ मे १९८८ रोजी मुंबईतील एका चाळीत विकीचा जन्म झाला. विकीचे वडील श्याम कैशल त्यावेळी अॅक्शन डायरेक्ट होते. तर त्याची आई वीणा कौशल या गृहिणी होती. विकीला लहान असल्यापासून अभिनयाची प्रचंड आवड होती. मात्र ही आवड जपत त्याने विकीने अभियांत्रिकीचं शिक्षणदेखील पूर्ण केलं आहे. View this post on Instagram Kamli won! Thank You @iifa @wizcraft_india . such a special night for so many reasons. #iifa2019 A post shared by Vicky Kaushal (@vickykaushal09) on Sep 19, 2019 at 5:46am PDT विकी इलेक्ट्रॉनिक्स आणि टेलिकॉम्युनिकेशन इंजीनिअर असून त्याने २००९ साली मुंबईतील राजीव गांधी इन्स्टीट्युट ऑफ टेक्नॉलॉजीमधून ही पदवी संपादन केली आहे. शिक्षण पूर्ण झाल्यानंतर त्याने एका ठिकाणी नोकरीही केली. मात्र त्याच्यातील कलाकार त्याला स्वस्थ बसू देत नव्हता. अखेर त्याने नोकरीचा त्याग करुन कलाविश्वात पदार्पण केलं दरम्यान, विकीने 'मसान' या चित्रपटातून कलाविश्वात पदार्पण केलं. या चित्रपटासाठी त्याला बेस्ट मेल डेब्यू हा पुरस्कारही मिळाला. या चित्रपटानंतर त्याने एकाहून एक सुपरहिट चित्रपटांचा धडाका लावला. यात 'संजू', 'राजी' या चित्रपटांचा आवर्जुन उल्लेख केला जातो. त्यानंतर त्याचा 'उरी' हा चित्रपट प्रदर्शित झाला. या चित्रपटाने तर लोकप्रियतेचं शिखर गाठल्याचं पाहायला मिळालं.
