अॅक्शन आणि कॉमेडीने परिपूर्ण असलेल्या चित्रपटांनी प्रेक्षकांचं मनोरंजन करणारा अभिनेता विकी कौशल लवकरच एका भयपटामध्ये झळकणार आहे. 'भूत पार्ट वन : द हॉण्टेड शिप' (Bhoot Part One : The Haunted Ship) या आगामी चित्रपटामध्ये झळकणार आहे. विशेष म्हणजे हॉरर चित्रपट करणारा विकी प्रत्यक्षात मात्र भयपट कधीच पाहात नाही. यामागचं कारण त्याने स्वत: सांगितलं आहे. 'इंडियन एक्स्प्रेस'नुसार, 'भूत पार्ट वन : द हॉण्टेड शिप' या चित्रपटामध्ये व्यस्त असलेला विकी पहिल्यांदाच एका भयपटामध्ये काम करणार आहे. विशेष म्हणजे या भयपटासाठी होकार कळविणारा विकी प्रत्यक्षात मात्र भयपट कधीच पाहात नाही. विकीला भूतांची प्रचंड भीती वाटत असल्यामुळे तो अशा धाटणीचे चित्रपट पाहण्याचं टाळतो. Can't get away from the fear, can't get away from the terror. Help me escape #TheHauntedShip on 15th November, 2019 in theatres near you. #Bhoot @karanjohar @apoorvamehta18 @ShashankKhaitan @bhumipednekar @Bps_91 @DharmaMovies @ZeeStudios_ pic.twitter.com/cuM4J7Piym — Vicky Kaushal (@vickykaushal09) September 13, 2019 'भयपट पाहण्यापूर्वी मी कायम असा विचार करतो की, आता मी मोठा झालो आहे. त्यामुळे हे चित्रपट पाहू शकतो. मात्र प्रत्यक्षात असं काहीच होत नाही. मला हे चित्रपट पाहून भीतीच वाटते', असं विकी म्हणाला. यावेळी त्याने ‘द कॉन्ज्युरिंग’ हा चित्रपट पाहिल्यानंतर त्याची भीतीने काय अवस्था झाली होतीदेखील त्याने यावेळी सांगितलं. या आगामी चित्रपटामध्ये विकीसोबत अभिनेत्री भूमि पेडणेकर स्क्रीन शेअर करणार आहे. दरम्यान 'भूत पार्ट वन : द हॉण्टेड शिप' या चित्रपटाची निर्मिती करण जोहरच्या धर्मा प्रोडक्शन अंतर्गत करण्यात येणार आहे. या चित्रपटामध्ये विकी एका इंजिनिअरची व्यक्तीरेखा साकारणार आहे.