कॉमेडियन कपिल शर्मा टीव्ही इंडस्ट्रीमध्ये अतिशय लोकप्रिय आहे. त्याचा कपिल शर्मा शो कायम चर्चेत असतो. आता लवकरच कपिल वेब विश्वात पदार्पण करणार असल्याच्या चर्चा रंगल्या आहेत. तसेच यासाठी तो तगडे मानधन घेणार असल्याचे देखील म्हटले जाते. काही दिवसांपूर्वी कपिल शर्मा शोमध्ये कृष्णा अभिषेकने या संदर्भात खुलासा केला होता. कृष्णाने मजेशीर अंदाजात कपिल शर्मा ओटीटी प्लॅटफॉर्मवर पदार्पण करणार आहे असे म्हटले होते. तसेच त्यासाठी तो २० कोटी रुपये मानधन घेणार असल्याचेही म्हटले होते. खरं तर कृष्णाने हे मजेशीर अंदाजात म्हटले होते पण २० कोटी मानधन ऐकून आता चर्चा सुरु झाल्या आहेत. View this post on Instagram Don’t miss the fun tonight with @iamhumaq n @saqibsaleem only on @sonytvofficial #tkss #thekapilsharmashow #kapilsharmashow #kapilsharma #comedy #fun #laughter #weekend #saturday A post shared by Kapil Sharma (@kapilsharma) on Oct 17, 2020 at 7:09am PDT सध्या कपिल शर्माचा 'द कपिल शर्मा शो' चर्चेत आहे. या चर्चा शोमध्ये महाभारतामधील कलाकारांनी हजेरी लावली होती. त्यामध्ये नीतीश भारद्वाज, गजेंद्र चौहान, पुनीत इस्सर आणि इतर कलाकारांनी हजेरी लावली होती. दरम्यान मुकेश खन्ना यांनी शोमध्ये येण्यास नकार देत शोवर टीका केली होती.