11 August 2020

News Flash

६०० बॅकग्राऊंड डान्सरसाठी जॅकी भगनानीच्या मदतीचा हात

वाचा, जॅकीने कोणत्या स्वरुपात केली मदत

करोना विषाणूमुळे ओढावलेल्या संकटाचा सामना देशातील प्रत्येक नागरिकाला करावा लागत आहे. याकाळात लॉकडाउन घोषित केल्यामुळे अनेक उद्योग-व्यवसाय ठप्प झाले आहेत. त्यामुळे हातावर पोट असणाऱ्यांना अनेक अडचणींचा सामना करावा लागत आहे. या संकटाची झळ कलाविश्वातील रोजंदारीवर काम करणाऱ्यांनादेखील बसली आहे.त्यामुळे अनेक कलाकार या गरजुंच्या मदतीसाठी पुढे सरसावले आहेत. यातच अभिनेता निर्माता जॅकी भगनानीनेदेखील ६०० बॅकग्राऊंड डान्सरसाठी मदतीचा हात पुढे केला आहे.

जॅकी भगनानीने ऑल इंडिया फिल्म टेलिव्हिजन अॅण्ड इव्हेंट्स डान्सर्स असोसिएशनच्या ६०० डान्सरला मदत केली आहे. त्याने या सहाशे जणांमध्ये जीवनावश्यक वस्तूंच्या सामानचं वाटप केलं आहे. गेल्या ४ महिन्यांपासून कलाविश्वातील कामकाज ठप्प झालं आहे. त्यामुळे अनेकांवर उपासमारीची वेळ आली आहे. म्हणूनच, जॅकीने या गरजुंमध्ये अन्नधान्य आणि अन्य वस्तूंचं वाटप केलं आहे.

दरम्यान, यापूर्वीदेखील जॅकीने बीएमसी अधिकाऱ्यांच्या सुरक्षेसाठी १ हजार पीपीई किट पुरविले होते. तसंच जेजस्ट म्युझिकअंतर्गत मुस्कुराएगा इंडियाच्या माध्यमातून विविध मदतनिधीच्या माध्यमातून ३ कोटींची मदत केली आहे. त्यामुळे सध्या जॅकीवर कौतुकाचा वर्षाव होत आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2020 3:12 pm

Web Title: jackie bhagnani came forward to help aiftedas 600 dancers ssj 93
Next Stories
1 ‘सुशांतच्या मृत्यूला जबाबदार असलेली व्यक्ती पोलिसांच्या संपर्कात’; तनुश्री दत्ताचा मुंबई पोलिसांवर अविश्वास
2 काय? आता ‘करोना’ नावाची चहा पावडर… सुव्रत जोशीला बसला आश्चर्याचा धक्का
3 …आणि मी त्याला हो म्हणाले, सोनाली कुलकर्णीने सोशल मीडियावर शेअर केली गोड आठवण
Just Now!
X