News Flash

‘जय जय गौरी शंकर’ ‘यू ट्यूब’वर

मूळ संचातील नाटक ३ जानेवारीला सादर होणार

मराठी संगीत रंगभूमीवरील मानाचे पान ठरलेले आणि ‘ललितकलादर्श’ने सादर केलेले ‘संगीत जय जय गौरीशंकर’ हे मूळ नटसंचातील तीन अंकी नाटक येत्या ३ जानेवारी २०२१ रोजी ‘यु ट्यूब’वर सादर होणार आहे. या नाटकाचा पहिला अंक सकाळी ९ वाजता  सादर होणार असून दुसरा आणि  तिसरा अंक अनुक्रमे  दुपारी ३ आणि रात्री  ८.३० वाजता सादर होणार आहे.

ज्येष्ठ पत्रकार-संपादक विद्याधर गोखले लिखित आणि नटवर्य मामा पेंडसे दिग्दर्शित या नाटकाचे निर्माते गायक-अभिनेते भालचंद्र पेंढारकर हे होते. मूळ नटसंचात पंडित राम मराठे, भालचंद्र पेंढारकर, माया जाधव, जयश्री शेजवाडकर, चंदू डेग्वेकर, सुकुमार, शहाजी काळे हे कलाकार होते. नाटकाचे संगीत वसंत देसाई यांचे होते. तर संगीतसाथ पं.गोविंदराव पटवर्धन, पं.भोजराज साळवी, पं.मधुकर बर्वे यांची होती.

 

 

भालचंद्र पेंढरकर यांचे जन्मशताब्दी वर्ष २५ नोव्हेंबर २०२० पासून सुरू झाले आहे. या नाटकाचे लेखक- पत्रकार विद्याधर गोखले यांचा ४ जानेवारी हा जयंती दिन आहे. तसेच ५४ वर्षांपूर्वी म्हणजे रविवार, १४ ऑगस्ट १९६६ या दिवशी सकाळी ९, दुपारी ३ आणि रात्री ८.३० वाजता या नाटकाचे शुभारंभाचे प्रयोग सादर झाले होते.  नादब्रह्म तर्फे मुकुंद मराठे, ज्ञानेश पेंढारकर आणि ‘जाई काजळ’ चे  राजेश गाडगीळ यांच्या सहकार्याने भालचंद्र पेंढारकर, विद्याधर गोखले आणि पं. राम मराठे यांच्या स्मृतीला अभिवादन करण्यासाठी हा आगळा प्रयोग केला जात असल्याचे मुकुंद मराठे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 28, 2020 7:32 pm

Web Title: jay jay gauri shankar sangeet drama will be on youtube scj 81
Next Stories
1 कंगनाचा चित्रपट प्रदर्शित होऊ देणार नाही; शेतकऱ्यांचा एल्गार
2 इरफान खानचा शेवटचा चित्रपट पुढच्या वर्षी होणार प्रदर्शित
3 मोनालिसानं ‘तौडा कुत्ता टॉमी’ गाण्यावर केला कमाल डान्स; एक्सप्रेशन्स पाहून व्हाल थक्क
Just Now!
X