बॉलिवूडची क्विन अभिनेत्री कंगना रणौत आपल्या वादग्रस्त वक्तव्यांमुळे नेहमीच चर्चेत असते. बॉलिवूडमधील घराणेशाही ते देशातील राजकारण अशा विविध विषयांवर ती रोखठोक मतं मांडते. अनेकदा या बिनधास्त प्रतिक्रियांमुळे तिला ट्रोल देखील केलं जातं. मात्र यावेळी ती कुठल्याही वादग्रस्त वक्तव्यामुळे नव्हे तर आपल्या भावाच्या लग्नामुळे चर्चेत आहे. कंगनाच्या तब्बल १० वर्षानंतर सनई-चौघडे वाजणार आहेत. तिने सोशल मीडियावर एक व्हिडीओ पोस्ट करुन ही आनंदाची बातमी आपल्या चाहत्यांना दिली. अवश्य पाहा - "हा व्हिडीओ स्वत:च्या रिस्कवर पाहा"; ढिंच्यॅक पूजा नव्या गाण्यामुळे होतेय ट्रोल रंगोलीच्या लग्नानंतर जवळपास १० वर्ष झाली या घरात कुणाचंही लग्न झालेलं नाही. पण माझा भाऊ अक्षत आणि करणमुळे पुन्हा एकदा आमच्या घरात सनई-चौघडे वाजणार आहेत. संपुर्ण कुटुंबात आनंदाचं, उत्साहाचं वातावरण संचारलं आहे. तीन आठवड्यानंतर आमच्या घरात सलग तीन लग्न होणार आहेत. अशा आशयाचं ट्विट करुन कंगनाने आपला आनंद व्यक्त केला आहे. अवश्य पाहा - 'बॉण्ड गर्ल'च्या पहिल्या बिकिनीचा होतोय लिलाव; किंमत ऐकून व्हाल थक्क After Rangoli’s wedding for more than a decade there was no wedding in the family all thanks to me but today my brothers Karan and Aksht broke the jinx and our ancestral house is drowned in wedding festivities, two weddings in three weeks starting with Karan ki Haldi today pic.twitter.com/9SCl95c2OG — Kangana Ranaut (@KanganaTeam) October 20, 2020 लक्षवेधी बाब म्हणजे ट्विटसोबत कंगनाने एक व्हिडीओ देखील शेअर केला आहे. हा व्हिडीओ तिच्या भावाच्या हळदी समारंभातील आहे. यामध्ये कंगनाच्या घरात उत्साहाचं वातावरण दिसून येत आहे. तर कंगना तिच्या भावाला हळद लावत आहे. यात पारंपरिक पद्धतीने हा हळदी समारंभ रंगत असल्याचं दिसून येत आहे. कंगनाने शेअर केलेला हा व्हिडीओ सध्या सोशल मीडियावर सर्वांचेच लक्ष वेधून घेत आहे.