गेल्या काही दिवसांपासून सतत चर्चेत येत असलेल्या अभिनेत्री कंगना रणौत हिच्या घरी लवकरच सनईचौघड्यांचा आवाज घुमणार आहे. कंगनाच्या भावाचं लवकरच लग्न होणार असून सध्या संपूर्ण रणौत कुटुंब त्याच्या लग्नाच्या तयारीला लागलं आहे. नुकताच कंगनाच्या भावाचा म्हणजेच अक्षयदीप याचा हळदी समारंभ पार पडला असून त्यात कंगना हा सोहळा एन्जॉय करताना दिसून आली.

कंगनाने तिच्या भावाच्या हळदी समारंभातील एक व्हिडीओ शेअर केला आहे. यामध्ये कंगनाच्या घरात उत्साहाचं वातावरण दिसून येत आहे. तर कंगना तिच्या भावाला हळद लावत आहे. यात पारंपरिक पद्धतीने हा हळदी समारंभ रंगत असल्याचं दिसून येत आहे.


दरम्यान, कंगनाच्या भावाचं लग्न नोव्हेंबरमध्ये असल्याचं सांगण्यात येत आहे. त्यामुळे हळूहळू त्यांच्या घरात लग्नाच्या तयारीला सुरुवात झाली आहे. कंगना अनेक वेळा तिच्या कुटुंबासोबतचे फोटो सोशल मीडियावर शेअर करत असते. यापूर्वी तिने रक्षाबंधनाच्या निमित्ताने भावासोबतचे काही फोटो शेअर केले होते.