बॉलिवूडची क्वीन अभिनेत्री कंगना रणौत आपल्या वादग्रस्त वक्तव्यांमुळे नेहमीच चर्चेत असते. सोशल मीडियाच्या माध्यमातून कंगना आपलं मत व्यक्त करत असते. सोशल मीडियावरील पोस्टमुळे अनेकदा ती वादातही अडकली आहे. दरम्यान कंगनाने आता एक नवं वक्तव्य केलं असून त्यात तिने मीना हॅरीसवर निशाणा साधला आहे. मीना हॅरिस ही अमेरिकेच्या उपराष्ट्रपती कमला हॅरिस यांची भाची आहे. कंगनाने 'न्यु यॉर्क पोस्ट'चे ट्विट रिट्विट केले आहे. "हे असं काहीतरी होणार मला ठाऊक होतं. कालच मी ट्विट करुन यासंदर्भातील भविष्यवाणी करत लिब्रल (उदारमतवादी लोकांना) माझ्या खोचक ट्विटने जळफळाट करणारा टोमणा मारण्याची संधी गमावली. हा हा हा. असो पुढच्या वेळेस करेन मी हे.", अशा अर्थाचं ट्विट कंगनाने केलं आहे. I knew this was coming, wish had done this prophecy here on twitter based on my my intuition yesterday, lost an opportunity to tease librus with my .Ha Ha Ha arrogant total ass burner tweet. anyway next time — Kangana Ranaut (@KanganaTeam) February 14, 2021 मीना हॅरीसने भारतात सुरू असलेल्या शेतकरी आंदोलनाचे समर्थन करताच कंगनाने तिच्यावर निशाना साधला होता. कंगनाने पहिल्यांदाच कोणावर टिका केली नाही. तर, या आधी कंगनाने ट्विटरच्या सीईओवर देखील निशाना साधला होता. कंगना लवकरच ‘थलाइवी’ या चित्रपटात दिसणार आहे. या चित्रपटात ती तामिळनाडूच्या दिवंगत माजी मुख्यमंत्री जयललिता यांची भूमिका साकारत आहे. याशिवाय तिचा ‘तेजस’ हा चित्रपटही प्रेक्षकांच्या भेटीला येत आहे. सध्या कंगना 'धाकड' या चित्रपटाच्या चित्रीकरणात व्यस्त आहे.