छोट्या पडद्यावरील लोकप्रिय आणि गाजलेला कॉमेडी शो म्हणजेच 'द कपिल शर्मा शो.' कॉमेडियन कपिल शर्मा आपल्या शोच्या माध्यमातून सर्वांचे मनोरंजन करत असतो. या शोचे चाहते जगभरात आहेत. बॉलिवूडमधील अनेक कलाकार देखील कपिलच्या शोमध्ये येऊन त्यांच्या चित्रपटाचे प्रमोशन करताना दिसतात. ऑनस्क्रीन कपिल शर्मा शोच्या कास्टची गंमत तर सर्वांनीच पाहिले आहे. पण आता कपिल शर्मा ऑफस्क्रीन मस्ती घेऊन त्याच्या चाहत्यांच्या भेटीला येणार आहे. 'द कपिल शर्मा' शोच्या पडद्यामागील मस्तीचे व्हिडीओ घेऊन कपिल शर्मा त्याच्या चाहत्यांचे मनोरंजन करणार आहे. 'बिहाइन्ड द जोक्स विथ कपिल'च्या माध्यमातून तो सेटवरची संपूर्ण मस्ती दाखवणार आहे. त्यामुळे चाहते आनंदी असल्याचे दिसत आहे. 'बिहाइन्ड द जोक्स विथ कपिल'मधील एक व्हिडीओ कपिलने सोशल मीडियावर शेअर केला आहे. या व्हिडीओमध्ये कलाकारांची ऑफस्क्रीन मस्ती पाहायला मिळते. व्हिडीओच्या सुरुवातीला कपिल सर्वांना सेटवर घेऊन जात आहे. त्यानंतर तो सेटवर येण्याआधी कसा तयार होतो, त्यावेळी कपिल कशा प्रकारे विनोद करुन सगळ्यांना हसवतो. या व्यतिरिक्त अनेक छोट्या छोट्या क्लिप्स या व्हिडीओमध्ये आहेत. अशा अनेक गोष्टी त्या व्हिडीओमध्ये पाहायला मिळत आहेत. “behind the jokes with Kapil” coming soon #behindthejokeswithkapil #comedy #fun #laughter #behindthescenes #bts #facebook pic.twitter.com/NoeNtVeF99 — Kapil Sharma (@KapilSharmaK9) December 19, 2020 दरम्यान, करोनाच्या संकटानंतर शो पुन्हा एकदा सुरू झाला असून चाहते तो तितक्याच आनंदाने पाहात आहेत. या शो प्रमाणे कपिलचा बिहाइन्ड द जोक्स विथ कपिल लोकांचे मनोरंजन करणार आहे.