सौंदर्य आणि ग्लॅमरस अंदाजामुळे खासकरुन ओळखली जाणारी अभिनेत्री म्हणजे कतरिना कैफ. कलाविश्वाप्रमाणेच सोशल मीडियावरही अॅक्टीव्ह असणारी कतरिना कायमच चाहत्यांच्या संपर्कात राहण्याचा प्रयत्न करत असते. त्यामुळे अनेकदा चाहत्यांमध्ये ती चर्चेचा विषय़ ठरत असते. सध्या सोशल मीडियावर कतरिना एक थ्रोबॅक व्हिडीओ चांगलाच चर्चेत आला आहे. या व्हिडीओमध्ये ती माशा अल्लाह या गाण्यावर बेली डान्स करताना दिसत आहे. कतरिनाचा व्हायरल होत असलेला व्हिडीओ फिल्मफेअर पुरस्कार सोहळ्यातील असून फिल्मफेअरच्या युट्यूब चॅनेलवर तो शेअर करण्यात आला आहे. विशेष म्हणजे २०१२ हा व्हिडीओ सध्या सोशल मीडियावर तुफान गाजत आहे. या व्हिडीओमध्ये कतरिना एक था टायगर या चित्रपटातील माशा अल्लाह या गाण्यावर बेली डान्स करताना दिसत आहे. दरम्यान, कतरिना लवकरच सूर्यवंशी या चित्रपटात झळकणार आहे. या चित्रपटात तिच्यासोबत अक्षय कुमार मुख्य भूमिका साकारणार आहे. तर सूर्यवंशीप्रमाणेच ती भूत या चित्रपटातही झळकणार आहे.
