बॉलिवूड अभिनेते अमिताभ बच्चन सूत्रसंचालन करत असलेला शो 'कौन बनेगा करोडपती १२' कायमच चर्चेत असतो. माहितीचा स्त्रोत म्हणून पाहिल्या जाणाऱ्या या शोच्या गुरुवारी पार पडलेल्या एपिसोडमध्ये अनुज कुमार यांनी सहभाग घेतला होता. हॉटसीटवर बसताच अनुज यांनी त्यांना आयुष्यात अनेक गोष्टी मिळवण्यासाठी संघर्ष करावा लागला असे म्हटले. त्यांनी केबीसीमध्ये ५० लाख रुपयांच्या प्रश्नाला खेळ सोडण्याचा निर्णय घेतला. तुम्ही देऊ शकाल का या प्रश्नाचे योग्य उत्तर? अनुज एक इलेक्ट्रिशियन आहेत आणि त्यांना दिवसाला ७७६ रुपये मिळतात. तसेच सध्या त्यांना आणि त्यांच्या कुटुंबीयांना अनेक समस्यांना सामोरे जावे लागत असल्याचे त्यांनी म्हटले. दरम्यान बुद्धीमत्तेच्या जोरावर त्यांनी २५ लाख रुपये जिंकले. ५० लाख रुपयांसाठी विचारण्यात आलेल्या प्रश्नाचे योग्य उत्तर माहिती नसल्यामुळे त्यांनी खेळ सोडण्याचा निर्णय घेतला. ५० लाख रुपयांसाठी विचारण्यात आलेला प्रश्न- पृथ्वीवर आढळलेला सर्वात जुनं खनिज कोणतं? A-पाइराइट B-क्वॉट्र्ज C-वॅनेडियम D-जिरकॉन आणखी वाचा: अमिताभ बच्चन यांनी केली रिटायरमेंटची घोषणा? म्हणाले, “मी सर्वांची माफी मागतो पण…” अनुज यांना विचारण्यात आलेल्या या प्रश्नाचे योग्य उत्तर माहिती नव्हते. तसेच त्यांच्या चारही लाइफलाइन संपल्या होत्या. त्यामुळे त्यांनी खेळ सोडण्याचा निर्णय घेतला. या प्रश्नाचे योग्य उत्तर जिरकॉन असे आहे. अनुज यांनी शोमध्ये २५ लाख रुपये रक्कम जिंकली.
