04 August 2020

News Flash

…म्हणून ‘त्या’ आजीला मदत करणाऱ्यांवर दिग्दर्शक केदार शिंदे संतापले; म्हणाले,”लाज वाटायला हवी”

पुण्यातील आजीचा काठ्या फिरवतानाचा व्हिडीओ सोशल मीडियावर तुफान व्हायरल

पुण्यातील काठीच्या सहाय्यानं कसरती करणाऱ्या एका आजीचा व्हिडीओ सोशल मीडियावर व्हायरल झाला. त्यानंतर सिनेसृष्टीतील कलाकारांसह सगळेच या आजीच्या मदतीला धावले. मात्र, या आजीला मदत करताना अनेकांनी मदतीचे व्हिडीओ काढले. त्याचबरोबर त्या आजीला पुन्हा त्या कसरती करण्याची मागणीही केली. त्यावरून दिग्दर्शक केदार शिंदे चांगलेच संतापले.

पुण्यातील शांताबाई पवार या आजीचा रस्त्यावर काठ्या फिरवतानाचा व्हिडीओ सोशल मीडियात व्हायरल झाला. हा व्हिडीओ बघून अनेकजण भावनिक झाले. तर काहीजण मदतीसाठीही पुढे धावून आले. सिनेसृष्टीतील कलाकारांनीही मदतीसाठी पुढाकार घेतला. त्याचबरोबर इतर नागरिकांनाही या आजीला आपापल्या परीनं मदत केली.

शांताबाई पवार यांना मदत करणाऱ्यांच्या एका गोष्टीबद्दल दिग्दर्शक केदार शिंदे यांनी मात्र नाराजी व्यक्त केली. ट्विट करून त्यांना याबद्दलचा संताप बोलून दाखवला. “त्या आजीचा व्हिडीओ गाजतोय. चहूबाजूनं मदत जाहीर होतेय. काहीतर लागलीच पोहोचून मदत करतायेत. करायलाच हवी. पण त्या मदतीचे व्हिडीओ काढणं आणि आजीला पुन्हा तेच तेच करून दाखवायला लावणं किती संयुक्तिक आहे? लाज वाटायला हवी,” असं केदार शिंदे यांनी म्हटलं आहे.

गृहमंत्र्यांनीही दिला मदतीचा हात

शांताबाई पवार या आजीचा व्हिडीओ व्हायरल झाल्यानंतर राज्याचे गृहमंत्री अनिल देशमुख यांनी पुण्यात असताना आजीची भेट घेतली. यावेळी त्यांनी शांताबाई पवार यांना १ लाख रुपयांच्या मदतीचा धनादेश दिला होता. तसेच साडी चोळीही भेट दिली होती. पुण्यातील हडपसर परिसरात त्या आपल्या कुटुंबासह राहतात. या वयातही ज्या सफाईने काठी चालवताना पाहून त्यांच्यावर सध्या कौतुकाचा वर्षाव होत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 1:35 pm

Web Title: kedar shinde angry on who help shantabai pawar bmh 90
Next Stories
1 शहरात पुन्हा टाळेबंदी नको!
2 धरणांमधील पाण्याचे नव्याने नियोजन
3 पुण्यात दिवसभरात २० रुग्णांचा मृत्यू, १ हजार ५२१ नवे करोनाबाधित
Just Now!
X