अभिनेत्री मलायका अरोरा आणि तिचा प्रियकर अर्जुन कपूर सध्या गोव्यामध्ये नाताळच्या सुट्ट्यांचा आनंद घेत आहेत. आजरा बीचजवळील आलिशान बंगल्यामध्ये त्यांचा मुक्काम आहे. मलायकाची बहिण अमृता अरोरा आणि तिचा नवरा शकील लडाकचा हा बंगला आहे. अर्जुन कपूरने सोमवारी गोव्यातील या बंगल्यामध्ये काढलेला फोटो इन्स्टाग्रामवर शेअर केला आहे. View this post on Instagram A post shared by Malaika Arora (@malaikaaroraofficial) "शकील लडाक आणि अमृता अरोरा तुम्ही खूपच सुंदर घर बांधले आहे. गोव्यात यापेक्षा चांगले हॉलिडे होम असू शकत नाही" असे कॅप्शन अर्जुनने या फोटोला दिले आहे. अर्जुनच्या या पोस्टवर मलायका आणि अमृता दोघींनी हार्टचा इमोजी टाकला आहे. मुंबईत कुटुंबासोबत नाताळ साजरा केल्यानंतर मलायका आणि अमृता दोघी गोव्याला गेल्या. View this post on Instagram A post shared by Arjun Kapoor (@arjunkapoor) अरबाज खानपासून विभक्त झाल्यानंतर मलायकाने अर्जुन कपूरसोबतचं नातं मीडियापासून लपवलं होतं. पण आता दोघे बऱ्याच ठिकाणी एकत्र दिसतात. सोशल मीडियावर परस्परासोबतचे फोटो शेअर करतात आणि त्यावर कमेंटही करतात.
