'स्वराज्य रक्षक संभाजी' या मालिकेतून घराघरात पोहोचलेली अभिनेत्री म्हणजे प्राजक्ता गायकवाड. पहिल्याच मालिकेत महाराणी येसूबाईंची भूमिका साकारुन प्राजक्ताने तिच्यातील अभिनयाची चुणूक प्रेक्षकांना दाखवून दिली. उत्तम अभिनय कौशल्य आणि सौंदर्य यांच्या जोरावर प्रेक्षकांच्या मनावर राज्य करणारी प्राजक्ता लवकरच 'लोकसत्ता डिजिटल अड्डा'वर येणार आहे. विशेष म्हणजे या मुलाखतीमध्ये प्रेक्षकांनादेखील सहभागी होता येणार आहे. बुधवारी,१६ सप्टेंबर रोजी दुपारी १२ वाजता ही खुमासदार मुलाखत रंगणार आहे. या मुलाखतीच्या निमित्ताने प्रेक्षक त्यांच्या मनातले प्रश्न थेट प्राजक्ताला विचारु शकतात. त्यामुळे या खुमासदार मुलाखतीमध्ये सहभागी होण्यासाठी प्रेक्षकांनी 'लोकसत्ता'च्या फेसबुक पेजला नक्की भेट द्या.
