27 February 2021

News Flash

‘होणार सून…’फेम मंदार देवस्थळीने कलाकारांचे पैसे थकवले; अभिनेत्रीचा गंभीर आरोप

मंदार देवस्थळी मराठी कलाविश्वातील नावाजलेले व्यक्ती आहे.

अभिनेत्री शर्मिष्ठा राऊतने सोशल मीडियावर पोस्ट शेअर करत प्रसिद्ध निर्माता मंदार देवस्थळी यांच्यावर पैसे बुडवल्याचा आरोप केला आहे. चॅनेलकडून पैसे देण्यात येत असतानाही ते पैसे तंत्रज्ञ आणि कलाकारांपर्यंत निर्मात्यांनी पोहोचवले नाहीत, असं म्हणत शर्मिष्ठाने सोशल मीडियाचा आधार घेत वाचा फोडली आहे.

शर्मिष्ठा सध्या कलर्स मराठीवरील ‘हे मन बावरे’ या मालिकेत काम करत असून या मालिकेत काम केल्याचे पैसे मंदार देवस्थळींनी थकवल्याचं तिने म्हटलं आहे.

 

View this post on Instagram

 

A post shared by Sharmishtha Raut (@sharmishtharaut)


“गेली १३ वर्ष कलाक्षेत्रात काम करतेय.. आजपर्यंत कोणत्याही निर्मात्याने पैसे बुडवले नाहीत.. आजही आणि यापूर्वी पण कायम channel ने आम्हाला मदत केली.. परंतु एक प्रसिद्ध निर्माता, @mandarr_devsthali त्याने सर्व कलाकार आणि तंत्रज्ञ ह्यांचे पैसे थकवले… हे कोणत्याही क्षेत्रात होऊ शकत! please घाबरू नका.. बोला..please support & Pray for US.. #support # चळवळ”, असं म्हणत शर्मिष्ठाने इन्स्टाग्रामवर पोस्ट शेअर केली आहे.

मालिकेचं चित्रीकरण सुरु असताना निर्मात्यांची अडचण समजून घेत अनेकदा कलाकारांनी त्यांच्या घरुन कपडे आणून त्यावर अपूर्ण राहिलेलं चित्रीकरण पूर्ण केलं. मात्र, आपण केलेल्या कामाचा मोबदला हा भीक मागितल्यासारखा मागत राहणं योग्य आहे का असा प्रश्नही शर्मिष्ठाने उपस्थित केला आहे.

दरम्यान, शर्मिष्ठासोबतच ‘हे मन बावरे’ या मालिकेतील मृणाल दुसानीस,संग्राम साळवी आणि विदिशा म्हसकर या कलाकारांनीही इन्स्टाग्रामवर पोस्ट शेअर करत शर्मिष्ठा पाठिंबा दिला आहे. तसंच त्यांचेही पैसे थकवल्याचा आरोप निर्मात्यांवर केला आहे.

मंदार देवस्थळी यांच्या गाजलेल्या मालिका

‘बोलाची कढी’, ‘नातीगोती’,’सांगाती’, ‘वळवाचा पाऊस’, ‘मानामनाची व्यथा’, ‘बोक्या सातबंडे’, ‘आपली माणसं’,’झुंज’, ‘आभाळमाया’, ‘किमयागार’, ‘वसुधा’,’खरंच माझं चुकलं का???’, ‘वादळवाट’, ‘अवघाची संसार’,’जिवलगा’, ‘मायलेक’, ‘कालाय तस्मैनम:’, ‘कुछ तो लोग कहेंगे’, ‘होणार सून मी या घरची’, ‘माझे पती सौभाग्यवती’, ‘फुलपाखरु’,’गुलमोहर’,’सूर राहू दे’, ‘हे मन बावरे’.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 22, 2021 8:54 am

Web Title: marathi actress sharmishtha raut instagram post on he maan bavare producer mandar devsthali for not paying ssj 93
Next Stories
1 ‘हरि ओम’मधील ‘त्या’ दोघांच्या भूमिकांवरील पडदा दूर; हे कलाकार साकारणार मु्ख्य भूमिका
2 करिश्मा पुन्हा मावशी झाली, शेअर केला ‘हा’ फोटो
3 अंकिता लोखंडेचा भन्नाट डान्स, चाहते मात्र भडकले
Just Now!
X