News Flash

‘स्वामिनी’मध्ये नीना कुळकर्णी साकारणार महत्त्वपूर्ण भूमिका

त्यांनी साकारलेल्या भूमिकेमुळे मालिकेला नवं वळण मिळणार आहे

छोट्या पडद्यावरील लोकप्रिय ‘स्वामिनी’ ही मालिका कमी कलावधीमध्ये प्रेक्षकांच्या पसंतीत उतरत आहे. सत्ता आणि संसार, कौटुंबिक कलह, कटकारस्थानं, राजकारणी डावपेच याबरोबरच एका सामान्य मुलीचा राजकन्या बनण्यापर्यंतचा प्रवास या मालिकेतून उलगडला जात आहे. या मालिकेत ऐश्वर्या नारकर, रोहिणी हट्टंगडी या अभिनेत्री महत्त्वपूर्ण भूमिका साकारत असून आता लवकरच अभिनेत्री नीना कुलकर्णीदेखील मुख्य भूमिकेत पाहायला मिळणार आहेत.

‘स्वामिनी’मध्ये लवकरच छत्रपती शिवाजी महाराज यांचे सरसेनापती हंबीरराव मोहिते यांची कन्या महाराणी ताराबाई यांची एण्ट्री होणार आहे. विशेष म्हणजे ही भूमिका अभिनेत्री नीना कुळकर्णी साकारणार आहेत. ताराबाईंच्या येण्याने कथेमध्ये कोणत्या महत्त्वपूर्ण घटना बघायला मिळतील याची उत्सुकता नक्कीच प्रेक्षकांना आहे.

सध्या माधवरावांच्या दुसर्‍या विवाहाची बोलणी करण्यासाठी गोपिकाबाईंनी रमाबाईंना गर्‍हाड्याला राहण्याचा आदेश दिला आहे. ताराबाईंच्या येण्याने रमा – माधवच्या नात्यात कोणते बदल होतील ? मालिकेमध्ये पुढे काय होईल ? हे पाहणं औत्सुक्याचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 8, 2020 4:42 pm

Web Title: marathi serial swamini actress nena kulkarni role ssj 93
Next Stories
1 ‘बोनस’मध्ये पाहायला मिळणार गश्मीर महाजनी-पूजा सावंतची केमिस्ट्री
2 वृद्ध दिग्दर्शकाने मला कपडे काढायला सांगितले, अभिनेत्रीने सांगितला धक्कादायक अनुभव
3 ‘मिसाईल मॅन’ अब्दुल कलामांवर बायोपिक, ‘हा’ अभिनेता साकारणार प्रमुख भूमिका
Just Now!
X