मल्याळय चित्रपटसृष्टीमधील सुपरस्टार मोहनलाल यांचा आज ६० वा वाढदिवस आहे. पण सध्या लॉकडाउनमुळे ते त्यांचा वाढदिवस कुटुंबीयांसोबत साजरा करत आहेत. तसेच या खास दिवशी त्यांनी चाहत्यांना एक भेट दिली आहे. त्यांनी त्यांचा आगामी चित्रपट 'दृश्यम २'चा टीझर प्रदर्शित केला आहे. 'दृश्यम २' या चित्रपटाची निर्मिती एंटनी पेरुमबवूर यांनी केली असून दिग्दर्शन जेथु जोसफ करत आहेत. या २० सेकंदाच्या टीझरमध्ये मोहनलाल हळूहळू त्यांचे डोळे उघडताना दिसत आहेत. तेसच हा टीझर शेअर करत त्यांनी 'दृश्यम.. दृश्यम २' असे हॅशटॅग वापरत म्हटले आहे. सध्या हा टीझर सोशल मीडियावर तुफान व्हायरल झाला आहे. #Drishyam #Drishyam2 pic.twitter.com/OHnue7P5uw — Mohanlal (@Mohanlal) May 21, 2020 या चित्रपटात मोहनलाल हे जोर्गेकुटी ही व्यक्तीरेखा साकारणार आहेत. तसेच 'दृश्यम २' चित्रपटाची संपूर्ण कथा ही जोर्गेकुटी आणि त्यांच्या कुटुंबीयांभोवती फिरताना दिसणार आहे. चित्रपटात जोर्गेकुटी हे आपल्या मुलीने केलेल्या खुनाचे रहस्य लपवताना दिसणार आहेत. चित्रपटात जोर्गेकुटी यांच्या व्यतिरिक्त कोणते कलाकार दिसणार हे अद्याप समोर आलेले नाही. लवकरच या कलाकारांची घोषणा करण्यात येणार असल्याचे म्हटले जाते. मोहनलाला आणि जेथु जोसफ काही दिवासांपूर्वी मल्याळम थ्रिलर चित्रपट 'राम'साठी एकत्र काम करत होते. या चित्रपटात तृषा कृष्णन मुख्य भूमिकेत आहे. डिसेंबर २०१९मध्ये या चित्रपटाची घोषणा करण्यात आली. पण लॉकडाउनमुळे य़ा चित्रपटाचे चित्रीकरण थांबवण्यात आले आहे.