मराठी चित्रपटसृष्टीतल्या आणखी एका अभिनेत्रीने लग्नगाठ बांधली आहे. 'लेक माझी लाडकी', 'जुळून येती रेशीमगाठी' यांसारख्या मालिकांमधून घराघरांत पोहोचलेली अभिनेत्री सायली देवधर विवाहबद्ध झाली आहे. गायक-संगीतकार गौरव बुरसे याच्याशी तिने लग्नगाठ बांधली आहे. सायलीने तिच्या इन्स्टाग्राम अकाऊंट या विवाहसोहळ्याची काही क्षणचित्रे पोस्ट केली आहेत. पारंपारिक महाराष्ट्रीयन पद्धतीने या दोघांचा विवाहसोहळा पार पडला. 'काही भावना शब्दात व्यक्त करता येत नाहीत. हे ही असंच काही. शब्द सापडत नाहीत आणि सापडले तरी व्यक्त व्हायला पुरत नाहीत,' अशी कॅप्शन सायलीने गौरवसोबतच्या फोटोला दिली आहे. गेल्यावर्षी फेब्रुवारी महिन्यात सायलीचा साखरपुडा पार पडला. अभिनेत्री प्राजक्ता माळीने सायलीच्या लग्नाला हजेरी लावली. बॅचलर ग्रुपमधून आणखी एक बुरूज ढासळला, असं कॅप्शन प्राजक्ताने लग्नाच्या फोटोला दिलं. आणखी वाचा : 'अप्सरा'ने केलं लग्न? उलट्या मंगळसूत्रावरून चर्चांना उधाण सायली सध्या 'नवरी मिळे नवऱ्याला' या मालिकेत शरयूची भूमिका साकारत आहे. पुण्यातील अभिनव कला केंद्र येथून सायलीने तिचं शिक्षण पूर्ण केलं आहे.