पोर्नपटांना अलविदा करून बॉलीवूडमध्ये जम बसवलेली अभिनेत्री सनी लिओनीच्या आगामी वन नाईट स्टँड या चित्रपटाचा टिझर प्रदर्शित झाला आहे. सनी पुन्हा एकदा चित्रपटात बोल्ड अंदाजात दिसत आहे. सनीसोबत चित्रपटात अभिनेता आणि मॉडेल तनुज विरवानी मुख्य भूमिकेत दिसणार आहे. तनुज विरवानी या चित्रपटातून बॉलीवूडमध्ये पदार्पण करणार आहे. चित्रपटात सनी लिओनी ही सेलेना, तर तनुज हा उर्विल या व्यक्तीरेखा साकारत आहेत. फक्त एका रात्रीपुरते जवळ येण्यामुळे या दोघांच्या आयुष्याला मिळणारे वळण आणि त्यातून पुढे घडत जाणारे थरारक प्रसंग असे एकंदर या टिझरमध्ये दाखविण्यात आले असून, चित्रपटाबाबतची उस्तुकता ताणून धरलेली आहे.
