01 March 2021

News Flash

“पाकिस्ताननं चोरी केली”; ‘साराभाई वर्सेस साराभाई’ची नक्कल पाहून निर्माता संतापले

"कृपया ही पाकिस्तानी मालिका पाहू नका"

‘साराभाई वर्सेस साराभाई’ ही भारतीय टेलिव्हिजन इतिहासातील आजवरच्या सर्वाधिक लोकप्रिय मालिकांपैकी एक म्हणून ओळखली जाते. सतीश शाह, सुमित राघवन, रत्ना पाठक आणि रुपाली गांगुली यांच्या जबरदस्त अभिनयामुळे ही मालिका २००० च्या दशकात सुपरहिट ठरली होती. याच सुपरहिट मालिकेचं पाकिस्तानी वर्जन सध्या चर्चेत आहे. पाकिस्तानमधील एका निर्मात्यानं ‘साराभाई वर्सेस साराभाई’ची नक्कल करुन एका नव्या मालिकेची निर्मिती केली असल्याचा दावा निर्माता आतीश कपाडिया यांनी केला आहे. शिवाय ही मालिका न पाहण्याची विनंती देखील त्यांनी आपल्या चाहत्यांना केली आहे.

आतीश कपाडिया यांनी ‘साराभाई वर्सेस साराभाई’ या मालिकेची निर्मिती केली होती. नुकतेच त्यांनी एका फेसबुक पोस्टच्या माध्यमातून या पाकिस्तानी साराभाईची माहिती प्रेक्षकांना दिली. “सकाळची सुरुवात एका फॉरवर्डेड लिंकनं झाली. लिंकवर क्लिक केलं तर समोर काय पाहतो… साराभाई वर्सेस साराभाईची हुबेहुब नक्कल. माझ्या मालिकेचं अनऑफिशयल रिमेक पाकिस्ताननं केलं होतं. ही तर दिवसाढवळ्या चोरी झाली. कृपया तुम्ही ही पाकिस्तानी मालिका पाहू नका.” अशा आशयाची फेसबुक पोस्ट आतीश यांनी लिहिली आहे. या पोस्टमध्ये त्यांनी मालिकेचं नाव किंवा त्यांची लिंक वगैरे दिलेली नाही. शिवाय ज्या पाकिस्तानी मालिकेवर त्यांनी आरोप केला त्यांच्या निर्मात्यांनी देखील अद्याप या आरोपांवर कुठलीही अधिकृत प्रतिक्रिया दिलेली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 16, 2020 7:52 pm

Web Title: pakistani version sarabhai vs sarabhai unofficial remake aatish kapadia mppg 94
Next Stories
1 पॉर्न स्टार ते सुपरस्टार, ‘शकीला’चा ट्रेलर प्रदर्शित
2 ‘कॉमेडी बिमेडी’च्या मंचावर ‘सांग तू आहेस का’ मालिकेच्या टीमची धमाल
3 “लो बजेट हॅरी पॉटर”; अनुपम खेर यांनी शेअर केलेला हा व्हिडीओ पाहून व्हाल थक्क
Just Now!
X