बॉलिवूडची देसी गर्ल प्रियांका चोप्रा आणि विदेशी बाबू निक जोनस नेहमी चर्चेत असतात. मग ते त्यांनी शेअर केलेले फोटो असोत किंवा खरेदी केलेली गाडी असो त्यांच्या प्रत्येक गोष्टीची चर्चा होतेच. त्यातच टमिस वर्ल्डटपासून ते हॉलिवूडच्या प्रवासानंतर प्रियांका राजकारणात प्रवेश करु इच्छित असल्याचे वक्तव्य तिने केले आहे. नुकताच झालेल्या एका मुलाखतीमध्ये प्रियांकाला तिच्या कामाशी संबंधीत आणि खाजगी आयुष्याबद्दल काही प्रश्न विचारण्यात आले होते. दरम्यान प्रियांकाने तिला राजकारणात रस असल्याचे देखील स्पष्ट केले. 'मला पंतप्रधान पदाच्या शर्यतीत उतरायला आवडेल आणि निकने अमेरीकेच्या राष्ट्रपती पदाच्या शर्यतीत उतरावे अशी माझी इच्छा आहे' असे प्रियांका म्हणाली. 'मला राजकारणाशी संबंधीत कोणत्याच गोष्टी आवडत नाहीत पण आम्हा दोघांनाही बदलाची अपेक्षा आहे' असे प्रियांका पुढे म्हणाली. तसेच प्रियांकाचा पती निकला राजकारणात काडीमात्र रस नसल्याचे देखील प्रियांकाने स्पष्ट केले. सध्या प्रियांका चित्रपट निर्मात्या सोनाली बोस यांच्या आगामी चित्रपट 'द स्काय इज पिंक' या चित्रपटामध्ये व्यग्र आहे. या चित्रपटा प्रियांकासह अभिनेता फरहान अख्तर प्रमुख भूमिकेमध्ये झळकणार आहे. हा चित्रपट आयशा चौधरी हिच्या जीवनावर आणि तिने लिहीलेल्या ‘माय लिटिल एपिफेनिस’ या पुस्तकावर आधारित असल्याचे सांगण्यात येत आहे. या चित्रपटामध्ये प्रियांका, फरहान यांच्यासह जायरा वसीम झळकणार आहेत.
