जाणून घ्या प्रियांका चोप्राचे नवीन वर्षातले संकल्प

प्रियांका चोप्रा काही दिवसांपूर्वी भारतात परतली आहे. एवढ्या दिवसांनंतर मुंबईमध्ये आल्यानंतर ती अनेक पार्ट्यांमध्येच व्यग्र दिसत आहे. नवीन वर्षाचे स्वागतही तिने आपली आई आणि भावासोबतच करणे पसंत केले होते. पण नंतर जेव्हा तिला तिच्या संकल्पांबद्दल विचारले तेव्हा ती हसत म्हणाली की, मी कोणतेही संकल्प बनवत नाही. कारण मी ते ३ जानेवारीलाच तोडते. पण यावर्षी मी ठरवले आहे की मी अजून सुदृढ होणार. मी यावर्षी कॉफी सोडू इच्छिते, चांगली झोप घेऊ इच्छिते तसेच नियमित जीमलाही जावं असं वाटते. हेच माझे संकल्प आहेत. पण मला हेही माहित आहे की यातले काही होणार नाही पण तरीही मी प्रयत्न मात्र नक्कीच करणार आहे. जसे प्रियांका म्हणाली त्याप्रमाणे कोणताही संकल्प पुर्णत्वाला नेणे तसे कठीणच असते.

दरम्यान, बॉलिवूड अभिनेत्री प्रियांका चोप्रा आगामी ‘गोल्डन ग्लोब अवॉर्ड्स’ समारंभाचे सुत्रसंचालन करणार आहे. अमेरिकी टीव्ही शो ‘क्वांटिको’ आणि हॉलिवूड सिनेमा ‘बेवॉच’ यामध्ये काम केल्यानंतर आता प्रियांका लवकरच ‘गोल्डन ग्लोब अवॉर्ड्स’ समारंभाचे सुत्रसंचालन करणार आहे. अॅना केंड्रिक आणि स्टीव कैरल यांच्यासोबत प्रियांका या समारंभाचे सुत्रसंचालन करणार आहे.