News Flash

प्रभास करतोय पूजा हेगडेशी फ्लर्ट, ‘राधे श्याम’चा टीझर प्रदर्शित

या दिवशी होणार प्रदर्शित

दाक्षिणात्य सुपरस्टार प्रभास आणि अभिनेत्री पूजा हेगडे यांचा आगामी ‘राधे श्याम’ हा चित्रपट सध्या चांगलाच चर्चेत आहे. चाहते या चित्रपटाची आतुरतेने वाट पाहत आहेत. आज व्हॅलेन्टाईन डेच्या दिवशी प्रभास आणि पूजाच्या ‘राधे श्याम’ चित्रपटाचा टीझर प्रदर्शित करण्यात आला आहे.या टीझरमध्ये प्रभास पूजासोबत रेल्वे स्टेशनवर फर्ल्ट करताना दिसत आहे.

टी-सीरिजने त्यांच्या अधिकृत ट्विटर अकाऊंटवरून हा व्हिडीओ शेअर केला आहे. व्हिडीओच्या सुरूवातीला एक रेल्वे स्टेशन दिसत आहे. तर प्रभास स्टेशनवर उंच उडी मारत इटालियन भाषेत Sei Un Angelo? Devo Morire per incontrarti? बोलत त्याची प्रेयसी पूजाचे लक्ष वेधण्याचा प्रयत्न करत आहे. त्यानंतर भेटल्यावर पूजा प्रभासला बोलते तू स्वत:ला रोमियो समजतोस. यावर उत्तर देत प्रभास बोलतो, त्याने प्रेमासाठी जीव दिला होता मी त्याच्यासारखा नाही.

“या व्हॅलेन्टाइनला, वर्षातील सगळ्यात मोठ्या घोषणेसह, प्रेमाचा आनंद घेऊया, ३० जुलै २०२१ ला राधे श्याम चित्रपट गृहात प्रदर्शित होणार,” अशा आशयाचे ट्विट करत टी-सीरिजने चित्रपटाचा टीझर प्रदर्शित केला आहे.

चित्रपटाची पहिली घोषणा झाल्यापासून चाहते प्रभास आणि पूजाचा रोमांस पाहण्यासाठी उत्सुक आहेत. ‘राधे-श्याम’ हा चित्रपट राधा कृष्ण कुमार दिग्दर्शित बहुभाषिक चित्रपट आहे. गुलशन कुमार आणि टी-सीरिज याचे सादरीकरण करणार आहेत. या चित्रपटात प्रभास आणि पूजा हेगडे मुख्या भूमिका साकारणार आहेत. या चित्रपटाची निर्मिती भूषण कुमार, वामसी आणि प्रमोद यांनी केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 14, 2021 1:59 pm

Web Title: radhe shyam teaser out prabhas flirts with pooja in italian and release date announced dcp 98 avb 95
Next Stories
1 रणबीर कपूरने ‘नो पार्किंग’ झोनमध्ये गाडी पार्क केली अन्…
2 ‘आम्ही प्रेमात पडलो अन्…’, जाणून घ्या ‘शनाया’ची लव्हस्टोरी
3 ‘सैराट’मधील बाळ्या पुन्हा येणार प्रेक्षकांच्या भेटीस
Just Now!
X