लॉकडाउनच्या काळात ८० आणि ९०च्या दशकातील मालिका प्रेक्षकांच्या मनोरंजनासाठी पुन्हा दाखवण्यात आल्या होत्या. दूरदर्शनवर दाखवण्यात आलेल्या मालिकांपैकी ‘रामायण’ या मालिकेच्या विशेष चर्चा रंगल्या होत्या. या मालिकेने सर्वांचीच मने जिंकली. तसेच मालिकेत राम, सीता आणि लक्ष्मण हे पात्र साकारणारे कलाकार पुन्हा एकदा चर्चेत आले. आता सोशल मीडियावर रामायणात लक्ष्मण हे पात्र साकारणारे सुनील लहरी त्यांनी शेअर केलेल्या फोटोमुळे चर्चेत आहेत.

सुनील लहरी यांच्या चाहत्यांनी सध्या सोशल मीडियावर ट्रेंड होत असलेल्या फेस अॅपमध्ये त्यांचा फोटो तयार करुन शेअर केला आहे. या अॅपमध्ये चेहरा बदलून स्त्रियांचे पुरूषी रूप किंवा पुरूषांचा महिला वेष कसा दिसेल हे दाखवण्यात येते. सुनील लहरींच्या चाहत्यांनी त्यांचा महिला वेषातील फोटो शेअर केला आहे. तसेच त्यांनी तो सोशल मीडियावर शेअर केला आहे.

सुनील लहरी यांनी त्यांच्या ट्विटर अकाऊंट महिला रुपात ते कसे दिसतील याचा फोटो शेअर केला आहे. सुनील लहरी यांनी फोटो शेअर करत चाहत्यांचे आभार मानले आहेत.