गेल्या काही दिवसांपासून 'बाहुबली' चित्रपटात भल्लालदेव ही भूमिका साकारणारा दाक्षिणात्य अभिनेता राणा डग्गुबती चर्चेत आहे. या चर्चा त्याने सोशल मीडियाद्वारे मिहिका बजाजने लग्नासाठी होकार दिल्याचे सांगितल्यामुळे सुरु झाल्या. राणाने लॉकडाउनमध्येच काही निवड लोकांच्या उपस्थितीत हैद्राबाद येथे साखरपूडा केला आहे. पण जेव्हा राणाने मिहिकाशी लग्न करण्याचे ठरवले तेव्हा त्याच्या कुटुंबीयांची काय प्रतिक्रिया होती हे जाणून घेण्यासाठी चाहते फार उत्सुक आहेत. नुकताच राणाने इंडियन एक्सप्रेसला मुलाखत दिली. या मुलाखतीमध्ये त्याने त्यांच्या कुटुंबीयांची काय प्रतिक्रिया होती हे सांगितले आहे. 'मी मिहिकाशी लग्न करण्याचे ठरवले आहे हे ऐकून माझे कुटुंबीय खूप आनंदी होते. त्यांना सर्वांना हे ऐकून खूप आनंद झाला. गेल्या कित्येक दिवसांपासून मी मिहिकाशी लग्न करावे असे त्यांना वाटत होते. त्यामुळे आता सर्वजण आनंदी आहेत' असे राणाने म्हटले आहे. View this post on Instagram And it’s official!! A post shared by Rana Daggubati (@ranadaggubati) on May 20, 2020 at 11:00pm PDT त्यानंतर राणाला त्याच्या लग्नाबाबत काही प्रश्न विचारण्यात आले. त्यावर त्याने 'त्यावेळी देशात असलेल्या परिस्थितीचा विचार करुन मी लग्नाचे नियोजन करेन' असे म्हटले आहे. कोण आहे मिहिका बजाज? मिहिकाची स्वत:ची इव्हेंट मॅनेजमेंट कंपनी आहे. या कंपनीचे नाव ‘ड्यू ड्रॉप डिझाइन स्टुडिओ’ असे असून २०१७मध्ये तिने ती स्थापित केली. मिहिकाची आई बंटी बजाज या दागिन्यांच्या व्यवसायातील प्रतिष्ठित व्यक्ती आहेत. त्या एक प्रसिद्ध वेडिंग डेकॉर प्लॅनरसुद्धा होत्या.