मराठी चित्रपटसृष्टीला एकाहून एक गाजलेले चित्रपट देणारे अभिनेता, दिग्दर्शक म्हणजे महेश कोठारे. अलिकडेच त्यांनी'लोकसत्ता डिजिटल अड्डा'मध्ये हजेरी लावली होती. या मुलाखतीत त्यांनी त्याच्या करिअरविषयी, वैयक्तिक जीवनाविषयी अनेक गोष्टींचा खुलासा केला. तसंच त्यांच्यासोबत रॅपिड फायर राऊंडदेखील रंगला. या राऊंडमध्ये त्यांनी अनेक प्रश्नांची दिलखुलासपणे उत्तर दिली. यावेळी बोलत असताना त्यांचा जवळचा मित्र कोण हेदेखील त्यांनी सांगितलं. दरम्यान, महेश कोठारे यांनी या रॅपिड फायर राऊंडमध्ये त्यांचा जवळचा मित्र लक्ष्मीकांत बेर्डे होता असं म्हटलं. त्याचसोबत अभिनेता आदिनाथ कोठारे उत्तम कलाकार आहे की सूनबाई उर्मिला कोठारे हेदेखील त्यांनी सांगितलं.
