‘माझ्या नवऱ्याची बायको’ या मालिकेत शनायाची भूमिका साकारून घराघरात पोहोचलेली अभिनेत्री रसिका सुनीलने तिच्या खासगी आयुष्याबाबत काही दिवसांपूर्वीच खुलासा केला होता. रसिका सध्या लॉस एंजिलिसमध्ये असून तिथेच ती आदित्य बिलागी या तरुणाला डेट करतेय. सोशल मीडियावर त्याच्यासोबतचे फोटो पोस्ट करत तिने तिच्या रिलेशनशिप स्टेटसची माहिती दिली होती. आता नुकतंच तिने इन्स्टा स्टोरीवर आदित्यसाठी खास पोस्ट लिहिली आहे.

रसिका गेल्या काही दिवसांपासून आजारी असून या आजारपणात आदित्य तिची योग्य ती काळजी घेत असल्याचं तिने सांगितलंय. ‘मी गेल्या काही दिवसांपासून आजारी आहे आणि आदित्य माझी खूप चांगल्याप्रकारे काळजी घेतोय. जेवण असो किंवा औषधं सर्वकाही तो मला जागीच आणून देतोय आणि संपूर्ण घराची काळजी घेतोय. खरंतर त्याच्यामुळे मला अजिबात घराची आठवण येत नाही. कारण मी घरी असल्यासारखंच तो सर्व गोष्टींची काळजी घेतोय. मी आता बरी आहे’, असं लिहित तिने आदित्यचे आभार मानले. रसिकाने या पोस्टद्वारे आदित्यविषयीचं प्रेमसुद्धा व्यक्त केलं.

Elders Recreate Butterfly Song Dance cute video goes Viral
आयुष्य हे मनसोक्त जगावं! ‘बटरफ्लाय’ गाण्यावर वृद्ध लोकांचा भन्नाट डान्स, डान्स स्टेप्स एकदा पाहाच, VIDEO व्हायरल
Sandhya Devanathan
व्यवसाय वाढीमध्ये ‘एआयʼची महत्त्वाची भूमिका, मेटाच्या व्यवस्थापकीय संचालक संध्या देवनाथन यांचे मत
Taapsee Pannu reacts on wedding with Mathias Boe
तापसी पन्नू विदेशी बॉयफ्रेंडशी मार्चमध्ये लग्न करणार? अभिनेत्रीने चर्चांवर सोडलं मौन, म्हणाली, “मी कधीही…”
Rajendra Pawar vs Ajit Pawar
“..आणि तेव्हापासून पवार कुटुंबीयात दुरावा निर्माण झाला”, बारामतीमध्ये निनावी पत्र व्हायरल; राजेंद्र पवार म्हणाले…

याआधी ‘टाइम्स ऑफ इंडिया’ला दिलेल्या मुलाखतीत रसिका म्हणाली, “होय, मी आदित्य बिलागीला डेट करतेय. आम्ही दोघंही सध्या लॉस एंजिलिसमध्ये आहोत आणि एकमेकांसोबत वेळ घालवत आहोत. मी खूप आनंदी आहे.” ‘दो हजार एक किस.. सर्वांना नवीन वर्षाच्या शुभेच्छा. २०२० या वर्षभरात अनेक वाईट घडामोडी घडल्या असल्या तरी कृतज्ञ राहण्यासाठी या वर्षाने अनेक कारणं दिली आहेत’, असं कॅप्शन देत तिने आदित्यसोबतचे फोटो पोस्ट केले होते.