पाकिस्तानमधील कराची स्टॉक एक्सेंजवर सोमवारी दहशतवादी हल्ला करण्यात आला. या हल्ल्यात एक पोलीस उप- निरीक्षक आणि चार सुरक्षारक्षकांचा मृत्यू झाला. या प्रकरणाची सर्व स्तरांमधून चर्चा होत असताना अभिनेत्री रविना टंडनने ट्विटरच्या माध्यमातून तिचं मत व्यक्त केलं आहे. सध्या सोशल मीडियावर तिच्या ट्विटची चांगलीच चर्चा रंगली आहे. "कराचीमध्ये झालेल्या दहशतवादी हल्ल्याची घटना खरंच फार दु:खद आहे. या हल्ल्यात नाहक बळी गेलेल्या काही निष्पाप नागरिकांना माझी भावपूर्ण श्रद्धांजली", असं ट्विट रविनाने केलं आहे. Sad to hear about the terrorist attack in Karachi. Prayers and condolences to the bereaved families of the innocent victims . — Raveena Tandon (@TandonRaveena) June 29, 2020 दरम्यान, कराचीमध्ये पाकिस्तानी स्टॉक एक्सेंजचवर झालेल्या दहशतवादी हल्ल्यावर जगभरातून प्रतिक्रिया उमटत आहेत. यात भारताचाही समावेश आहे. अनेक सेलिब्रिटींनी या प्रकरणी सोशल मीडियाच्या माध्यमातून त्यांची मत व्यक्त केली आहे.तसंच रविानेदेखील केलं आहे. रविना बऱ्याच वेळा समाजात घडणाऱ्या घटनांवर उघडपणे व्यक्त होत असते.
