बॉलिवूडमधील ‘क्यूट कपल’ म्हणून जेनेलिया आणि रितेश देशमुख या जोडीकडे पाहिले जाते. या जोडीकडे पाहिले की जेनेलिया आणि रितेश एकमेकांसाठीच बनले आहेत, हे कोणीही मान्य करेल. २०१२ मध्ये लग्नगाठ बांधलेल्या या जोडीचं एकमेकांवर अतोनात प्रेम आहे. त्यांचा मुलगा राहील याचा आज वाढदिवस. या वाढदिवसानिमित्त रितेशने सोशल मीडियावर त्याचे फोटो पोस्ट करत अनोख्यारित्या शुभेच्छा दिल्या आहेत. 'राहील बेटा, जेव्हा तुझा जन्म झाला, तेव्हा डॉक्टर येऊन म्हणाले की, शुभेच्छा तुमच्या घरी सुपरहिरोचा जन्म झाला आहे. गेल्या वर्षी तू कॅप्टन अमेरिका होतास आणि आता यावर्षी स्पायडर मॅन आहेस. मी विचार करतोय की तुझ्या आईचं नाव जेनेलिया आहे की मार्व्हल?', अशा मजेशीर अंदाजात रितेशने वाढदिवसाच्या शुभेच्छा दिल्या आहेत. या ट्विटसोबतच रितेशने राहीलचे सुंदर फोटो सोशल मीडियावर पोस्ट केले आहेत. Rahyl बेटा जब तुम पैदा हुए थे, डॉक्टर ने मुझे आ के कहा - मुबारक हो आपके के घर Super Hero पैदा हुआ है। पिछले साल तुम Captian America थे, इस साल Spider-Man हो। मैं सोच रहा हूँ तुम्हारी माँ का नाम @geneliad है या Marvel. #HappyBirthdayRahyl pic.twitter.com/Aeh9pVRuE9 — Riteish Deshmukh (@Riteishd) June 1, 2020 रितेश- जेनेलियाने २०१२ मध्ये लग्न केलं. सोशल मीडियाद्वारे ही जोडी नेहमीच चाहत्यांच्या संपर्कात असते. या दोघांना दोन गोंडस मुलं आहेत. रियान आणि राहील अशी या मुलांची नावं असून राहील आता चार वर्षांचा झाला आहे.