निर्माता-दिग्दर्शक-अभिनेते महेश मांजरेकर यांची मुलगी सई मांजरेकर आगामी 'दबंग ३' या चित्रपटातून बॉलिवूडमध्ये पदार्पण करतेय. पहिल्याच चित्रपटात सईला सलमान खानसारख्या मोठ्या कलाकारासोबत काम करण्याची संधी मिळाली. यामध्ये सई सलमानच्या प्रेयसीची भूमिका साकारतेय. त्यामुळे या जोडीच्या ऑनस्क्रीन केमिस्ट्रीची प्रेक्षकांना फार उत्सुकता आहे. शूटिंगदरम्यान सलमान आणि सईमध्ये चांगलीच मैत्री झाली. सईने एका वेबसाइटला दिलेल्या मुलाखतीत सेटवरच्या गमतीजमती सांगितल्या आहेत. सलमानसोबत शूटिंग करताना कम्फर्टेबल होती असं सईने सांगितलं. 'दबंग ३'मध्ये सईसोबतच तिची आई व बाबा या दोघांचीही भूमिका आहे. सईची आई जेव्हा सेटवर असायची तेव्हा तिला 'जीव' या नावाने हाक मारायचे. कारण सईला घरी जीव अशीच हाक मारतात. त्यामुळे सलमानसुद्धा सईला त्याच नावाने हाक मारायचा असं तिने सांगितलं. पाहा फोटो : बोल्डनेसच्या बाबतीत आमिरच्या मुलीने टाकलं बॉलिवूड अभिनेत्रींना मागे 'दबंग ३' हा चित्रपट २० डिसेंबर रोजी प्रदर्शित होणार असून यामध्ये सलमान, सई व सोनाक्षीची मुख्य भूमिका आहे. यासोबतच दाक्षिणात्य अभिनेता किच्चा सुदीपसुद्धा यात महत्त्वपूर्ण भूमिकेत आहे.
