अभिनेता सलमान खानला बॉलिवूडचा गॉडफादर असं म्हणतात. कारण सलमान बॉलिवूड कलाकारांच्या मदतीला धावून जातो. आजवर त्याने कतरिना कैफ, झरिन खान, आयुष शर्मा, डेझी शहा, सुरज पांचोली अशा कित्येक कलाकारांना त्यांचे सिनेकरिअर सावरण्यासाठी मदत केली आहे. या यादीत कधीकाळी अभिनेता आसीफ शेख याचे देखील नाव होते. सलमानमुळेच त्याचे करिअर वाचले असे तो म्हणाला. सर्वाधिक वाचकपसंती - अभिषेकने शेअर केला ३९ वर्ष जुना व्हिडीओ; बिग बींनी अशी करुन दिली होती ओळख ETimesला दिलेल्या मुलाखतीत आसीफ म्हणाला, "सलमानभाई नसता तर माझे करिअर वाचू शकले नसते. १९८८ साली 'बीवी हो तो ऐसी' या चित्रपटाच्या निमित्ताने माझी सलमानसोबत मैत्री झाली होती. ही मैत्री आजतागायत कायम आहे. माझ्या करिअरमध्ये अशीही एक वेळ आली होती जेव्हा मला काम मिळत नव्हते. मालिकांमध्ये लहानमोठ्या भूमिका करुन मी माझे करिअर पुढे ढकलत होतो. त्यावेळी सलमान माझ्या मदतीला धावून आला. त्याने मला 'प्यार किया तो डरना क्या', 'कवारा', 'करण अर्जुन' अशा सुपरहिट चित्रपटांमध्ये काम करण्याची संधी दिली. त्यावेळी सलमान नसता तर माझे करिअर वाचू शकले नसते." सर्वाधिक वाचकपसंती - “कशाला मदत करणार? मृतदेह उचलायला?”: मोदींच्या त्या ट्विटवर दिग्दर्शकाचा संताप आसीफ शेख बॉलिवूडमधील नामांकित अभिनेत्यांपैकी एक म्हणून ओळखला जातो. त्याने प्रामुख्याने खलनायक व्यक्तिरेखा मोठ्या प्रमाणावर साकारल्या आहेत. त्याने सलमानसोबत अनेक चित्रपटांमध्ये काम केले आहे. आसीफने टीव्ही मालिकांमध्येही मोठ्या प्रमाणावर काम केले आहे. 'हम लोग', 'यस बॉस' आणि 'भाभीजी घर पर है' त्याच्या या मालिका सुपरहिट झाल्या होत्या.
