अभिनेत्री सना खान पुन्हा एकदा चर्चेत आहे. या चर्चा तिने निकाह केल्यामुळे सुरु झाल्या आहेत. ‘इस्लाम’साठी इंडस्ट्री सोडणाऱ्या सनाने एका पोस्टमध्ये पतीसोबतचा फोटो शेअर केला आहे. या फोटोंमध्ये सना अतिशय सुंदर दिसत आहे.

सनाचा सोशल मीडियावर एक व्हिडीओ व्हायरल झाला होता. या व्हायरल झालेल्या व्हिडीओमध्ये ती पती मौलाना मुफ्ती अनससोबत दिसत होती. आता खुद्द सनाने सोशल मीडियावर पोस्ट करत लग्नाबाबत माहिती दिली आहे. या फोटोमध्ये सनाने लाल रंगाचा लेहेंगा परिधान केला आहे. त्यावर तिने साजेशी ज्वेलरी परिधान केली आहे. या लूकमध्ये सना अतिशय सुंदर दिसत आहे. हे फोटो शेअर करत तिने दिलेल्या कॅप्शनने सर्वांचे लक्ष वेधून घेतले आहे.

सनाने २० नोव्हेंबर रोजी गुजरातचे मौलाना मुफ्ती अनसशी निकाह केला. त्यांचा व्हिडीओ सोशल मीडियावर व्हायरल झाला होता. सना खानने ‘बिग बॉस’च्या सहाव्या सिझनमध्ये भाग घेतला होता. प्रसिद्ध कोरिओग्राफर मेल्विन लुईसची ती गर्लफ्रेंड होती. मात्र काही दिवसांपूर्वीच त्या दोघांचं ब्रेकअप झालं. त्यानंतर तिने मेल्विनवर अनेक आरोपसुद्धा केले होते. त्यानंतर तिने काही दिवसांपूर्वी पोस्ट शेअर इंस्ट्रीसोडत असल्याचे सांगितले होते. आता सनाने निकाह केला आहे.