जनमताची नस पकडण्यात पंतप्रधान नरेंद्र मोदी पुन्हा एकदा यशस्वी ठरले असून २०१९च्या लोकसभा निवडणुकीत त्यांच्या नेतृत्वाखाली भाजपाने दमदार विजय मिळवला आहे. या विजयानंतर सर्वच स्तरांतून मोदींवर शुभेच्छांचा वर्षाव होत आहे. यामध्ये बॉलिवूड कलाकार पण मागे नाहीत. ज्येष्ठ अभिनेत्री शबाना आझमी यांनीसुद्धा मोदींना आणि भाजपाला ट्विटरद्वारे शुभेच्छा दिल्या. पण या शुभेच्छांमुळेच त्यांना ट्रोलिंगला सामोरं जावं लागलं. 'देशाच्या जनतेने पुन्हा एकदा मोदींच्या नेतृत्वावर विश्वास दाखवला आहे. पंतप्रधान नरेंद्र मोदी आणि भाजपाप्रणित राष्ट्रीय लोकशाही आघाडीला शुभेच्छा,' असे त्यांनी ट्विट केले आहे. आझमींच्या या ट्विटनंतर नेटकऱ्यांनी त्यांच्यावर उपरोधिक टीका करण्यास सुरूवात केली. समान पैक कर लिया क्या?? — D. S. Rawat (@rawat77777) May 23, 2019 राजकारणावर आपली बेधडक मतं मांडायला शबाना आझमी ओळखल्या जातात. त्यांनी अनेकदा मोदींवर टीका केली. नरेंद्र मोदी पुन्हा पंतप्रधान झाल्यास मी देश सोडेन असं विधान शबाना आझमी यांनी केल्याची बातमी सोशल मीडियावर काही दिवसांपूर्वी व्हायरल झाली होती. याचाच संदर्भ घेत नेटकऱ्यांनी त्याला ट्रोल केलं.