“फक्त लग्नासाठी मुलगी घेऊन ये…मंत्र मी वाचतो”- सोनू सूद

सोमवारी एका चाहत्याने सोनूला त्याच्या लग्नासाठी मदत करण्याची  विनंती केली आहे.  “सर, तुम्ही लग्न लावून देऊ शकता का?” असा सवाल सोनूच्या एका चाहत्याने त्याला विचारला  आहे. त्याला सोनूनेही तोडीस तोड उत्तर दिलं आहे. तो म्हणतो, “का नाही? लग्नाचे मंत्रही वाचेन, फक्त मुलगी शोधायची मेहनत तुम्ही करा.”

क्यों नहीं..शादी के लिए मंत्र भी पढ़ दूंगा।
बस लड़की ढूंढने का कष्ट आप कर लें। https://t.co/M8qKx664O9
— sonu sood (@SonuSood) March 16, 2021

या आधी बऱ्याच लोकांनी सोनूला विचारलं होतं की आम्हाला गाडी घेऊन द्याल का, मालदिवची ट्रीप स्पॉन्सर कराल का, आमचा घटस्फोट करून द्याल का.

ज्याने मालदिवच्या ट्रीपबद्दल विचारलं त्याला रिप्लाय देताना सोनू म्हणतो, कसं जाणार, सायकलवर की रिक्षाने? तर ज्याने गाडी मागितली आहे, त्याला उत्तर देताना तो म्हणतो, सेल्फ ड्राईव्ह कार हवी आहे की मी चालवायची आहे गाडी? मला सांगा कसी गाडी तुम्हाला आवडेल आणि गाडीतला एसी कितीवर ठेवायचा तेही सांगा.

सोनूने लॉकडाऊनच्या काळात अनेक लोकांना आपल्या घरी पोहोचवलं होतं. त्याच्या या कामासाठी यासाठी त्याला संयुक्त राष्ट्रांकडून पुरस्काराने सन्मानितही करण्यात आलं.