लॉकडाउनच्या काळात अभिनेता सोनू सूदने असंख्य गरजूंना मदत केली. त्याचे मदतकार्य अजूनही सुरुच आहे. सोनू सूद अनेकांसाठी हिरो झाला आहे. अजूनही काही जण त्याच्याकडे मदतीची मागणी करत आहेत, तर काही जण आपुलकीने त्याला घरातील एखाद्या कार्याचं निमंत्रण देत आहेत. यामध्येच एका मुलीने सोनू सूदला लग्नाची पत्रिका पाठवत लग्नाचं आमंत्रण दिलं आहे. विशेष म्हणजे सोनूनेदेखील या लग्नाला येण्याचं कबूल केलं आहे. बिहारमधील एका लहानशा गावात राहणाऱ्या एका मुलीने तिच्या लग्नाची पत्रिका खास सोनू सूदला पाठवली असून लग्नाला येण्याचं आमंत्रण दिलं आहे. तिची पत्रिका पाहिल्यानंतर सोनूनेदेखील लग्नाला नक्की येणार असं म्हटलं आहे. "जर तुम्ही माझ्या लग्नाला आलात, तर या जगात सगळ्यात भाग्यवान मुलींपैकी मी एक असेन. सर, मी तुमची वाट पाहीन", असं ट्विट नेहाने केलं. त्यावर ''चला बिहारमधील लग्नपद्धत कशी असते पाहुयात", असा रिप्लाय देत सोनून हे आमंत्रण स्वीकारलं आहे. @SonuSood @GovindAgarwal_ sorry sir excitement me mai aapka naam likhna hi bhool gyi thi.. shadi me aapke aane se hi mai duniya ki luckiest girl bn jaungi. I"ll wait for you sir. pic.twitter.com/soajYW9iUG — Neha (@Neha25583742) November 17, 2020 दरम्यान, सध्या सोनूचं हे ट्विट पाहिल्यानंतर अनेकांनी त्याच्यावर पुन्हा एकदा कौतुकाचा वर्षाव केला आहे. विशेष म्हणजे यापूर्वी सोनूने नेहाच्या बहिणीच्या शस्त्रक्रियेसाठी मदत केली होती. त्यामुळेच नेहाने सोनूला या लग्नाचं आमंत्रण दिलं आहे.