स्थलांतरित मजुरांसाठी देवदूत बनलेला अभिनेता सोनू सूद याने शनिवारी राज्यपाल भगरतसिंग कोश्यारी यांची भेट घेतली. राज्यपालांनी सोनू सूदला राजभवनावर भेटायला बोलावलं होतं. या भेटीदरम्यान राज्यपालांनी सोनू सूदच्या कामाचं कौतुक केलं. लॉकडाउनमुळे विविध ठिकाणी अडकलेल्या स्थलांतरित मजुरांसाठी बसेसची व्यवस्था करून त्यांना सुखरुप घरी पोहोचवण्याचं काम सोनू सूद गेल्या काही दिवसांपासून करतोय. 'प्रसिद्ध अभिनेते सोनू सूद यांनी राज्यपाल भगतसिंह कोश्यारी यांची राजभवन येथे भेट घेतली. स्थलांतरित लोकांना त्यांच्या मूळ राज्यात पोहचविण्यासाठी तसेच लाखो लोकांच्या भोजन व्यवस्थेसाठी त्यांनी केलेल्या प्रयत्नांची सूद यांनी राज्यपालांना माहिती दिली,' असं ट्विट राज्यपालांनी केलं. प्रसिद्ध अभिनेते सोनू सूद यांनी राज्यपाल भगतसिंह कोश्यारी यांची राजभवन येथे भेट घेतली. स्थलांतरित लोकांना त्यांच्या मूळ राज्यात पोहचविण्यासाठी तसेच लाखो लोकांच्या भोजन व्यवस्थेसाठी त्यांनी केलेल्या प्रयत्नांची सूद यांनी राज्यपालांना माहिती दिली. pic.twitter.com/OnOL2qF5r3 — Governor of Maharashtra (@maha_governor) May 30, 2020 सोनू सूदच्या कामाचं सर्वच स्तरांतून कौतुक होत आहे. पडद्यावर क्रूर खलनायक साकारणारा सोनू सूद आता खऱ्या आयुष्यात नायक ठरला आहे.