29 October 2020

News Flash

Video : सोनू सूदसमोर सर्वात मोठे आव्हान, चिमुकलीने केली अनोखी मागणी

या चिमुकलीचा व्हिडीओ पाहून तुम्हालाही हसू येईल.

बॉलिवूड अभिनेता सोनू सूद लॉकडाउनमध्ये अडकलेल्या स्थलांतरित मजुरांना त्यांच्या घरी पोहोचवण्यास मदत करत आहे. अनेक कामगारांनी सोशल मीडियाद्वारे त्याच्याकडे मदत मागितली होती. त्यामुळे सोनूला दररोज हजारो मेसेज आणि ट्विट येत आहेत. दरम्यान एका चिमुकलीने सोनूकडे अनोखी मागणी केली आहे. तिचा हा व्हिडीओ सोशल मीडियावर तुफान व्हायरल झाला आहे.

सोनू सूदच्या ट्विटर अकाऊंटवर एका लहान मुलीचा व्हिडीओ आहे. या व्हिडीओमध्ये तिने, ‘बाबा थांबा मी विचारते. सोनू काका मी असं ऐकलय की तुम्ही लोकांना त्यांच्या घरी पोहोचवण्यास मदत करत आहात. माझे बाबा विचारतायेत, माझ्या आईला तुम्ही आजीच्या घरी पोहोचवू शकाल का?’ असं ती गोंडस मुलगी बोलताना दिसत आहे. चिमुकलीचा हा मजेशीर व्हिडीओ सोशल मीडियावर तुफान व्हायरल झाला आहे.


या चिमुकलीच्या व्हिडीओवर सोनू सूदने देखील मजेशीर अंदाजात उत्तर दिले आहे. ‘हे खूप आव्हानात्मक आहे. मी माझ्या परिने प्रयत्न करतो’ असे म्हटले आहे.

सोनूने मजुरांना त्यांच्या घरी पोहोचवण्यासाठी ट्विटरवर त्याचा फोन नंबर शेअर केला. दिलेल्या नंबरवर त्याने मजुरांना त्यांना कुठे जायचे आहे, ते कुठे अडकले आहेत, एकूण किती लोक आहेत ही सर्व माहिती देण्यास सांगितली होती. पडद्यावरील खलनायक आता खऱ्याखुऱ्या आयुष्यात अनेकांसाठी सुपरहिरो ठरला असल्याचे म्हटले जाते. तो करत असलेल्या कामाची सर्वजण प्रशंसा करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2020 12:42 pm

Web Title: sonu sood replies to a little girls cute and very urgent demand avb 95
Next Stories
1 करिश्माने शेअर केलेल्या व्हिडीओमधील ‘हा’ मुलगा आज आहे बॉलिवूडचा सुपरस्टार
2 भावंडं म्हणत १३ वर्षे लपवलं नातं; समलैंगिक जोडप्याने मुंबईत घर घेत केला खुलासा
3 मृत्यूच्या दारात उभा असतानाही इरफान खान करत होता ‘त्यांची’ मदत
Just Now!
X