सध्याच्या घडीला विराट कोहली हा भारतीय क्रिकेटप्रेमींच्या गळ्यातील ताईत झाला आहे. त्याची हेअरस्टाईल, कपडे, फॅशन अशा अनेक गोष्टी तरुणवर्ग कॉपी करताना दिसतो. पण, मथुरामध्ये एक तरुण असाही आहे, जो हुबेहूब विराटसारखाच दिसलो. मथुराच्या अमित मिश्राला पाहून तुम्हीही थक्क व्हाल! शरीरयष्टी, उंची, चेहरा हुबेहूब विराटसारखाच. अमितचे मित्र त्याला विराट या नावानेच हाक मारतात. उत्तरप्रदेशमधील सुलतानपूर येथे त्याचा जन्म झाला असून मथुराच्या जीएलए विद्यापीठात त्याने मेकॅनिकल इंजिनीअरिंगचं शिक्षण घेतले आहे. अमितचे वडील भाजपचे नेते आहेत. सूत्रांच्या माहितीनुसार अमितला अभिनय क्षेत्रात रस असून तो लवकरच बॉलिवूडमध्ये पदार्पण करणार आहे. सध्याच्या घडीला त्याला काही जाहिरातीसुद्धा मिळाल्या आहेत. वाचा : आणखी एका सेलिब्रिटीशी कपिलने घेतला पंगा अमितचे फेसबुकवरील फोटो पाहून विराटची स्टाईल तोसुद्धा कॉपी करत असल्याचे दिसते. विराटकडून आपल्याला प्रेरणा मिळत असून त्याला भेटण्याची इच्छा अमितने व्यक्त केली आहे.
