आपल्या आवडत्या सेलिब्रिटीच्या खासगी आयुष्यात काय चालू आहे हे पाहण्यापासून ते त्याला थेट प्रश्न विचारण्याचा अधिकार चाहत्यांना सोशल मीडियाद्वारे मिळाला आहे. सेलिब्रिटीसुद्धा विविध फोटो, व्हिडीओ पोस्ट करत चाहत्यांच्या संपर्कात राहण्याचा प्रयत्न करतात. अभिनेता टायगर श्रॉफने सोशल मीडियाद्वारे चाहत्यांशी गप्पा मारल्या व त्यांना प्रश्न विचारण्याची संधी दिली. यादरम्यान एका चाहतीने टायगरला थेट लग्नाची मागणी घातली. त्यावर टायगरने दिलेल्या उत्तराने नेटकऱ्यांची मनं जिंकली आहेत. 'माझ्याशी लग्न कर आणि युकेला राहायला ये' असं त्या चाहतीने टायगरला विचारलं. त्यावर टायगर विचारपूर्वक उत्तर देत म्हणाला, 'कदाचित आणखी काही वर्षांनी, जेव्हा मी तुझी व्यवस्थित साथ देऊ शकेन. तोपर्यंत खूप काही शिकायचंय आणि कमवायचंय.' आणखी वाचा : कंगनाच्या ट्विटला दिलजितचं मजेशीर उत्तर; सांगितलं पूर्ण वेळापत्रक टायगरने यादरम्यान इतरही चाहत्यांच्या प्रश्नांची उत्तरं दिली आहेत. दाक्षिणात्य सुपरस्टार अल्लू अर्जुन आवडता अभिनेता असल्याचं टायगरने यावेळी सांगितलं. अल्लू अर्जुनसारखा सर्वोत्तम डान्स करता यावा अशीही इच्छा त्याने व्यक्त केली. टायगरच्या आगामी चित्रपटांबद्दल बोलायचे झाल्यास तो 'हिरोपंती' या चित्रपटाच्या सीक्वेलमध्ये झळकणार आहे. त्यानंतर 'गणपत' हा त्याचा आणखी चित्रपट प्रदर्शनाच्या प्रतिक्षेत आहे.
