News Flash

विद्या बालनचा ‘शेरनी’ प्रदर्शित होणार ‘या’ ओटीटी प्लॅटफॉर्मवर

या चित्रपटात ती वन अधिकाऱ्याच्या भूमिकेत दिसणार आहे.

आपल्या अभिनयाच्या जोरावर स्वत:ची अशी वेगळी ओळख निर्माण करणारी अभिनेत्री म्हणजे विद्या बालन. लवकरच विद्याचा ‘शेरनी’ हा चित्रपट प्रेक्षकांच्या भेटीला येणार आहे. विद्याने या चित्रपटाचे पोस्टर सोशल मीडियावर शेअर केले होते. आता हा चित्रपट ओटीटी प्लॅटफॉर्मवर प्रदर्शित होणार असल्याचे समोर आले आहे.

गेल्या वर्षी या चित्रपटाची घोषणा करण्यात आली होती. तसेच चित्रपटाच्या चित्रीकरणास देखील सुरुवात करण्यात आली होती. मात्र करोना व्हायरसमुळे उद्भवलेल्या परिस्थितीमुळे चित्रपटाचे चित्रीकरण पुढे ढकलण्यात आले होते. आता पुन्हा चित्रपटाचे चित्रीकरण सुरु करण्यात आले आहे. मध्ये प्रदेशमधील जंगलात या चित्रपटाचे चित्रीकरण सुरु असल्याचे म्हटले जात आहे.

 

View this post on Instagram

 

A post shared by Vidya Balan (@balanvidya)

विद्या बालन ‘शेरनी’ या चित्रपटात एका वन अधिकाऱ्याच्या भूमिकेत दिसणार आहे. तसेच हा चित्रपट जून महिन्यात अॅमेझॉन प्राइम या ओटीटी प्लॅटफॉर्मवर प्रदर्शित होणार आहे. या चित्रपटात विद्यासोबत अभिनेता शरद सक्सेना, मुकुल चड्डा, विजय राझ, इला अरुण, ब्रिजेंदर काला आणि नीरज काबी हे कलाकार दिसणार आहेत.

‘शेरनी’ या चित्रपटाची निर्मिती टी सिरीजचे भूषण कुमार यांनी केली आहे. या विषयी बोलताना ते म्हणाले की, “शेरनी ही वेगळ्या पद्धतीची कथा आहे, ती गुंतवून ठेवते. मला निर्माता म्हणून काम करण्याची संधी मिळाली आणि हा चित्रपट जगभरातील प्रेक्षकांकरिता अॅमेझॉन प्राईम व्हिडीओवर प्रीमियर होतो आहे, याकरिता मी आनंदी आहे.”

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2021 6:21 pm

Web Title: vidya balan sherani movie release on ott avb 95
Next Stories
1 प्रियांका चोप्राने भारतातील करोनाबाधितांसाठी खरेदी केले ५०० ऑक्सिजन कन्संट्रेटर्स आणि ४२२ सिलेंडर्स
2 पुन्हा त्याच जोशात येत आहे कारभारी लयभारी!
3 “खऱ्या इस्लाममध्ये स्त्रियाचं अस्तित्व पुरूषांच्या पायाजवळच”, म्हणणाऱ्या नेटकऱ्याला गौहरने दिले सडेतोड उत्तर
Just Now!
X