'स्वातंत्र्य दिना'चं निमित्त साधून बॉलिवूडमधल्या दोन महत्त्वाच्या चित्रपटांचे ट्रेलर प्रदर्शित करण्यात आले आहे यातला एक चित्रपट म्हणजे 'पटाखा' होय. सख्ख्या बहिणी पण पक्क्या वैरी असलेल्या दोन बहिणींची धम्माल कथा 'पटाखा'च्या निमित्तानं पाहायला मिळणार आहे. या चित्रपटात 'दंगल' फेम सान्या मल्होत्रा आणि राधिका मदान सर्वात हटके अंदाजात रुपेरी पडद्यावर दिसणार आहे. एकमेकींना सदैव पाण्यात पाहणाऱ्या दोन बहिणींची धम्माल कथा 'पटाखा'मध्ये पाहायला मिळणार आहे. राजस्थानातल्या लहानश्या खेड्यात राहणाऱ्या दोन मुलींची कथा विशाल भारद्वाज यांनी रुपेरी पडद्यावर आणली आहे. या चित्रपटात सुनील ग्रोवरही पाहायला मिळणार आहे. भारत पाकिस्तान होणार का एक? असे एकापेक्षा एक डायलॉग आणि विशाल भारद्वाज यांच्या खास शैलीत तयार झालेल्या या चित्रपटाचा ट्रेलर अनेकांच्या पसंतीस उतरत आहे. चरण सिंह पाठिक यांच्या 'दो बहनें' कथेवर हा चित्रपट आधारित आहे. २८ सप्टेंबरला हा चित्रपट प्रदर्शित होत आहे.
