अॅमेझॉन प्राइम या ओटीटी प्लॅटफॉर्मवर सर्वाधिक गाजलेली वेब सीरिज म्हणजे ‘मिर्झापूर’. लवकरच या सीरिजचा दुसरा भाग प्रेक्षकांच्या भेटीला येणार आहे. त्यामुळे सध्या चाहत्यांमध्ये एकच उत्सुकता निर्माण झाल्याचं दिसून येत आहे. अलिकडेच या सीरिजच्या चित्रीकरणाला सुरुवात झाली असून नुकतंच 'मिर्झापूर २'चं नवीन पोस्ट प्रेक्षकांच्या भेटीला आलं आहे. 'मिर्झापूर २'चं प्रदर्शित झालेलं पोस्टर अनेकांचं लक्ष वेधून घेत आहे. या पोस्टरमध्ये एक जीप (गाडी) उभी असून त्याच्या बाजूला जमिनीवर कोसळलेल्या एका इसामाचा हात दाखवण्यात आला आहे. या इसमाच्या हातात एक बंदूकदेखील दिसून येत आहे. त्यामुळे हे पोस्टर सध्या चांगलंच चर्चेत येत आहे. तसंच 'मिर्झापूर'च्या पहिल्या भागात दाखविण्यात आलेली गुंडगिरी, सत्तेचा वाद पुन्हा एकदा नव्या रुपात पाहता येणार आहे, असंही म्हटलं जात आहे. View this post on Instagram Yahaan sab ka उद्देश्य ek hi hai. #Mirzapur2 @yehhaimirzapur @primevideoin @excelmovies @pankajtripathi @alifazal9 @divyenndu @battatawada @rasikadugal @harshita1210 @itsvijayvarma @amit.sial @anjumsharma @faroutakhtar @ritesh_sid #PuneetKrishna @gurmmeetsingh @mihirbd @vineetkrishna01 @rajeshtailang @sheeba.chadha @talwarisha @priyanshupainyuli @manurishichadha @anangsha @nehasargam @aliqulimirzaofficial A post shared by ali fazal (@alifazal9) on Sep 26, 2020 at 11:40pm PDT दरम्यान, काही दिवसांपूर्वीच 'मिर्झापूर २'चं पहिलंवहिलं पोस्टर प्रदर्शित झालं होतं. हे पोस्टर पाहिल्यानंतर प्रेक्षकांची उत्सुकता शिगेला पोहोचली होती. त्यातच आता नवीन पोस्टर प्रदर्शित झाल्यामुळे प्रेक्षकांची उत्सुकता कमालीची वाढल्याचं दिसून येत आहे. मिर्झापूर या सीरिजचा पहिला भाग १६ नोव्हेंबर २०१८ रोजी प्रदर्शित झाला होता. सर्वसामान्य कुटुंबातील दोन मुले गुंडगिरीकडे कशी वळतात. कशा पद्धतीने गुन्हे जगतात एकएक पायरी चढून ते स्वत:चे स्थान निर्माण करतात. याचे उत्तम चित्रीकरण मिर्झापूरमध्ये करण्यात आले होते. त्यानंतर मिर्झापूर २ ही नवीन सीरिज २३ ऑक्टोबर २०२० रोजी प्रेक्षकांच्या भेटीला येणार असल्याची शक्यता आहे.