झी मराठी वाहिनीवरील ‘माझा होशील ना’ या मालिकेच्या कथेने आता चांगलाच वेग घेतला आहे. सई आणि आदित्यच्या भांडणापासून सुरु झालेली त्यांची मैत्री आता प्रेमाचं वळण घेतेय की काय असं वाटत असतानाच एक नवाच पेच समोर उभा राहतोय. सईच्या आई-वडिलांनी सईचं लग्न तोलामोलाच्या घरातच व्हावं म्हणून कंबर कसलीये. दुसरीकडे आदित्यकडेही नेमकी स्थळांची शोधाशोध सुरु झालीये. आदित्य आणि सई दोघांनाही हे बघण्याचे कार्यक्रम मान्य नाहियेत, पण दोघांचे कुटुंबीय हट्टाला पेटले आहेत. मग आता या संकटात एकमेकांना साथ देण्यासाठी सई आणि आदित्य स्थळ पहायला तयार झालेत. आणखी वाचा : वर्षा उसगावकर यांचं छोट्या पडद्यावर कमबॅक हा कांदेपोह्यांचा खमंग कार्यक्रम रंगणार आहे, ‘चटकदार चवदार’ हॉटेलमधे! गुरुवार, शुक्रवार आणि शनिवारच्या भागात ही गंमत प्रेक्षकांना पहायला मिळणार आहे. सोमवार ते शनिवार रात्री ९:०० वाजता झी मराठी वाहिनीवर ही मालिका प्रसारित होते.
