बॉलिवूडचा ‘मोस्ट एलिजिबल बॅचलर’ सलमान खान लग्न कधी करणार हा जणू काही राष्ट्रीय प्रश्नच झाला आहे. अनेक कार्यक्रमात त्याला त्याच्या लग्नाविषयी विचारले जाते. त्याचे नाव देखील अनेक अभिनेत्रींशी जोडले आले. या यादीमधील एक नाव म्हणजे अभिनेत्री कतरिना कैफ. सध्या सोशल मीडियावर व्हायरल होत असलेल्या एका व्हिडीओमध्ये कतरिना सलमानचे लग्न कोणत्या वर्षी होणार याचे उत्तर देत असल्याचे दिसत आहे.

सोशल मीडियावर व्हायरल होत असलेला व्हिडीओ सलमानच्या ‘भारत’ चित्रपटाच्या प्रमोशन दरम्यानचा आहे. या व्हिडीओमध्ये सलमान आणि कतरिना ‘कपिल शर्मा शो’मध्ये कपिलसोबत मस्ती करताना दिसत आहेत. दरम्यान कपिल कतरिनाला सलमानचे लग्न कोणत्या वर्षात होणार असा प्रश्न विचारतो. त्यावर कतरिनाने दिलेले उत्तर ऐकून सर्वांना हसू येते. ‘या प्रश्नाचे उत्तर केवळ दोन लोकांकडे आहे. एक म्हणजे भगवान आणि दुसरे म्हणजे सलमान’ तिचे हे उत्तर ऐकून सर्वांना हसू आले आहे.

सोनी टीव्हीने त्यांच्या अधिकृत ट्विटर अकाऊंटवर हा जुना व्हिडीओ शेअर केला आहे. व्हिडीओ जुना असला तरी मजेशीर आहे. सलमान आणि कतरिनाची केमिस्ट्री पाहण्यासारखी आहे. सध्या हा व्हिडीओ सोशल मीडियावर तुफान व्हायरल झाला आहे.