मराठी चित्रपटसृष्टीनंतर आता बॉलिवूड गाजवण्यासाठी सज्ज झालेला अभिनेता म्हणजे आदिनाथ कोठारे. अनेक गाजलेल्या चित्रपटांमध्ये झळकल्यानंतर आदिनाथ '83' या चित्रपटामध्ये झळकणार आहे. त्यामुळे सध्या सर्वत्र त्याचीच चर्चा सुरु आहे. विशेष म्हणजे आदिनाथने बालकलाकार म्हणून करिअरची सुरुवात केली असून छकुला या चित्रपटात तो झळकला होता. या चित्रपटात त्याच्यासोबत त्याचे वडील म्हणजे दिग्दर्शक, अभिनेता महेश कोठारेदेखील मुख्य भूमिकेत झळकले होते. मात्र, या चित्रपटानंतर ही जोडी पुन्हा एकत्र कधी झळकणार असा प्रश्न चाहत्यांना पडला आहे. त्यावर महेश कोठारेंनी उत्तर दिलं आहे. दरम्यान, 'छकुला' या चित्रपटात अभिनेता महेश कोठारे आणि आदिनाथ कोठारे यांनी एकत्र स्क्रीन शेअर केली होती. यात महेश कोठारे हे पोलिसांच्या भूमिकेत झळकले होते. तर आदिनाथ बालकलाकाराच्या भूमिकेत दिसून आला होता.