अभिनेत्री कंगना रणौत व उर्मिला मातोंडकर यांच्यातील शाब्दिक चकमक टिपेला पोहोचली आहे. कंगनाने उर्मिला मातोंडकर यांना सॉफ्ट पॉर्न स्टार म्हटल्यानंतर सोशल मीडियावर नेटकऱ्यांनी तिच्यावर टिकास्त्र सोडलं. त्यावर प्रत्युत्तर देताना "उर्मिला मला प्रॉस्टिट्युट म्हणाली तेव्हा फेमिनिझम कुठे गेला होता", असा सवाल कंगनाने केला. काय आहे प्रकरण? कंगनाच्या मुंबईतील घरातील अनधिकृत बांधकाम महानगरपालिकेकडून पाडण्यात आलं. बांधकाम पाडल्यानंतर घराचे फोटो सोशल मीडियावर पोस्ट करत कंगनाने "माझा बलात्कार झाल्यासारखं वाटलं", असं लिहिलं. तिच्या या वाक्यावर एका ट्विटर युजरने आक्षेप घेतला. 'दुसऱ्या कलाकाराला सॉफ्ट पॉर्न स्टार म्हणतेस. नैतिकदृष्ट्या तुझी पातळी खालावली आहे. बलात्काराचा अनुभव कसा असतो हे तुला ठाऊक आहे का? घराचं बांधकाम पाडल्याची तुलना तू बलात्काराशी कशी करू शकतेस', असा प्रश्न या ट्विटर युजरने विचारला. Where was your feminism you dumb ass when Urmila called me Rudali and a prostitute? You fake feminist shame on entire woman kind, do you know a human don’t just have physical body we have emotional body, mental body and psychological body as well, rape isn’t just intercourse!! — Kangana Ranaut (@KanganaTeam) September 17, 2020 त्या ट्विटर युजरला उत्तर देताना कंगना म्हणाली, "उर्मिला मला प्रॉस्टिट्युट म्हणाली तेव्हा फेमिनिझम कुठे गेला होता? हा सर्व खोटा स्त्रीवाद आहे. माणसांना केवळ शारीरिक नाही तर भावनिक आणि मानसिक शरीरसुद्धा असतं हे तुला माहित आहे का? बलात्कार म्हणजे केवळ शारीरिक संबंध नाही." आणखी वाचा : उर्मिला मातोंडकर ही सॉफ्ट पॉर्न स्टार- कंगना