‘सडक के सिपाही’; अजयने शेअर केला दिवसरात्र काम करणाऱ्या ट्रक ड्राइव्हर्सचा व्हिडीओ

अजयने शेअर केलेल्या या व्हिडीओला नेटकऱ्यांनी भरभरून प्रतिसाद दिला आहे.

लॉकडाउनदरम्यान सर्वसामान्यांना घराबाहेर पडण्यास मनाई आहे. मात्र या सर्वसामान्यांपर्यंत जीवनावश्यक वस्तू पोहोचवण्यासाठी ट्रक ड्राइव्हर्स दिवसरात्र काम करत आहेत. या ट्रकचालकांचं कौतुक करणारा एक व्हिडीओ अभिनेता अजय देवगणने शेअर केला आहे. या व्हिडीओला सोशल मीडियावर नेटकऱ्यांची फार पसंती मिळत आहे.

अजयने शेअर केलेला हा व्हिडीओ एका जाहिरातीचा आहे. देशसेवेसाठी निघालेल्या जवानाला एक ट्रकचालक लिफ्ट देतो. त्या प्रवासादरम्यान तो जवानांच्या कामाचं कौतुक करत असतो. मात्र जेव्हा तो जवान ट्रकमधून उतरतो तेव्हा तो म्हणतो, “आम्ही ज्याप्रकारे सीमेवर रक्षण करायला उभे आहोत, त्याप्रकारे तुम्ही लोकांच्या सेवेसाठी ट्रक चालवत आहात. आपण सर्वजण मिळून देशाचं भविष्य लिहितोय.” करोना व्हायरसला न घाबरता, स्वत:च्या जीवाची पर्वा न करता सर्वसामान्यांपर्यंत जीवनावश्यक वस्तू, सामान पोहोचवणाऱ्या ट्रकचालकांचं या व्हिडीओच्या माध्यमातून कौतुक करण्यात आलं आहे.

अजयने शेअर केलेल्या या व्हिडीओला नेटकऱ्यांनी भरभरून प्रतिसाद दिला आहे. ‘दोघांनाही आमचा सलाम’, असं म्हणत नेटकऱ्यांनी त्यांचे आभार मानले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ajay devgn shares heartwarming video on how truck drivers are working through lockdown ssv

Next Story
प्रत्यक्षाहुनी उत्कट : सण-उत्सवांची ‘व्हर्च्युअल’ प्रतिमा!
ताज्या बातम्या